Россия «Ю.А.Гагарин» кемаси ортилган ракетани учирди (видео-фото)
апрел 10, 2021 10:59 Asia/Tashkent
«Союз-2.1а» элтувчи ракетаси «Ю.А.Гагарин» «Союз МС-18» бошқарилувчи кемаси билан бирга Бойқўнғир космодромидан учирилди, деб хабар беради «РБК». Космонавтика куни ва инсоннинг коинотга илк парвозига 60 йил тўлишига бағишлаб учирилган кема бортида россиялик космонавтлар Олег Новицкий, Пётр Дубров ва NASA астронавти Марк Ванде Хай бор.
Экспедиция 191 сутка давом этади. Режа бўйича космонавтлар янги «Наука» кўп функцияли лаборатория модулини қабул қилиб олиш учун 50 га яқин илмий экспериментларни амалга ошириши ва икки марта очиқ коинотга чиқиши керак.
