Pars Today

Бирлик ислом умматининг танасида қон каби ҳаёт бахш этади ва у исломий хабардорликни ва уйғонишни талаб қилади.

Бирлик ислом умматининг танасида қон каби ҳаёт бахш этади ва у исломий хабардорликни ва уйғонишни талаб қилади. Қачонки мусулмонлар душманларнинг нифоқ фитналаридан хабардор бўлсалар ва Ислом умматнинг бирлиги ва биродарлигига қанчалик урғу берганини билсалар, улар, шубҳасиз, бирликка юз тутадилар ва унга эришишга интиладилар. Сўнгги йилларда Ғарб ҳукуматлари ва оммавий ахборот воситалари Қуръон карим ва Ислом пайғамбарининг тасвирини, бу илоҳий диннинг иккита мустаҳкам пойдевори сифатида йўқ қилишга ҳаракат қилишмоқда. Пайғамбаримиз Муҳаммад (с.а.в.) га ёмон ва асоссиз ҳақоратлар ва Қуръон ҳақиқатларини бузиб кўрсатиш, Ғарбда Исломнинг тарқалишига қарши курашиш ҳаракатларидан биридир. Бошқа томондан, Ғарб дунёси баъзи исломий давлатларни ўзига қарам қилиб қўйди ва уларнинг сиёсатига мувофиқ бўлиш учун бу давлатларга қўғирчоқ ҳукуматлар тайинлади. Ҳозирги даврда, душман қўлидаги маданий ёки ҳарбий тажовуз учун ишлатиладиган ва кўплаб мусулмонларни жиддий нишонга олган асбобларнинг ривожланиши туфайли, душманлар исломий жамиятнинг пойдеворини ўпиришга ҳаракат қилмоқдалар. Ҳозир ҳам улар буни исломофобия ва бу илоҳий дин билан ҳеч қандай алоқаси йўқ  бўлган исломий террорчи гуруҳларни яратиш билан амалга оширишга унитмоқдалар. Бундай шароитда, ислом оламида, ҳар хил функцияли, қарама-қарши иккита оқим кўринади. Бири, баъзи диний, этник ва ирқий тафовут ва фарқларга асосланиб, мусулмонларни пессимист ва бир-биридан бегоналаштирадиган тафовутлар ва бўлинишлар оқими, иккинчиси - ислом оламини бирлашишга ва бирлашишга чақирувчи ислоҳотчилар оқими. Бўлишлар оқимида буюк ва ҳукмрон кучларнинг роли яққол кўриниб турибди. Улар мусулмон умматининг ўртасида ихтилоф яратиш учун бевосита ва билвосита амалий йўллардан фойдаланадилар. Тўғридан-тўғри услубда, мустамлакачи давлатларнинг сиёсий элиталари ва оммавий ахборот воситалари ислом дунёсида нифоқ ва бўлинишни қўзғатади ва бирлашма ҳаракатларига қарши ташвиқот қилади. Билвосита усулларда эса, бу ҳукуматлар анча айёр ва алдамчи. Ғарб ҳукуматлари экстремист ва жоҳил одамларни эксплуатация қилиб, уларни зиддиятли ҳаракатлар қилишга мажбур қилади ва бошқа мусулмонларнинг ҳис-туйғуларини қўзғатади. Бу жараёнда минтақадаги можароларнинг авж олиши ва нафақат минтақа тинчлигини, балки бир вақтлар уларга ҳомийлик қилган хўжайинларининг ҳам тинчлигидан маҳрум қилган кўплаб террорчилик гуруҳларининг тузилиши халқаро миқёсда жиддий муаммога айланди. Аслида, душман  ваҳҳобийлар ва салафийларнинг шафқациз тафаккурини ислом тафаккури кўринишида ўз халқига тушунтиришга ҳаракат қилмоқда.

Бошқа томондан, исломий мамлакатлардаги бирлик оқими - исломий уйғонишнинг ўсиши билан параллел равишда муҳим аҳамият касб этаётган ўсиш тенденцияси. Ўтмишда Саййид Жамолиддин ал-Асадободий, Шайх Муҳаммад Абдуҳ, Аятуллоҳ Боружерди ва шу каби таниқли шахслар мусулмонларни нифоқнинг зарари ва бирликнинг фойдалари билан таништиришга ва уларни бирлаштиришга ҳаракат қилишган. Бу уринишлар ўз ўрнида фойдали бўлди. Аммо бир неча ўн йиллар олдин Эронда Имом Хомайний бошчилигидаги Ислом инқилоби ғалабаси билан мусулмонлар ўртасида бирликка интилиш тезлашди.

Масалан, яқинда Ғарб матбуотида Ислом пайғамбарини ҳақорат қилинганда, бутун дунё бўйлаб миллионлаб мусулмонлар ўзларининг буюк Пайғамбарини қўллаб-қувватлаб намойиш қилишди. Бу ҳазратнинг ҳақоратига нисбатан кенг тарқалган реакция Ғарб ҳукуматлари ва оммавий ахборот воситаларини ҳайратда қолдирди ва шуни кўрсатдики, уларнинг салбий тарғиботларига қарамай, ислом дунёси ҳали ҳам тирик ва бирлашган органини сақлаб қолиш учун ҳушёр.

Ал-Қуддус кунида мусулмонларнинг Фаластин халқи ва турли мамлакатлардаги кенг жамоатчилик билан Фаластинни қўллаб-қувватлаши, Яман, Баҳрайн ва бошқаларни ҳимоя қилиш учун оммавий намойишлар ислом динида хабардорлик ва уйғониш кучайганидан далолат беради. Бу ислом дунёсида бирлик деб аталмиш гўзал ва қимматбаҳо сўзни шаклланишига умид туғдиради. Мусулмонларнинг ўз-ўзидан ва шарафли ҳаракатлари  шуни кўрсатадики, Ислом пайғамбари ислом дунёси бирлигининг калитидир. Албатта, биз ислом оламининг бирлиги ҳақида гапирганда, бу бирлик ҳеч қачон бошқа динларга эргашувчиларга қарши эмас, балки бу фитначилар ва мустамлакачиларга қарши ақлли иттифоқ.

Ғарб исломофобия масаласини кўтариб, Ғарб дунёсини исломдан ажратмоқчи, чунки улар биладики, ислом ўсиб бормоқда. Шунинг учун улар Исломнинг ўсишига тўсқинлик қиладиган тарзда ҳаракат қиладилар. Энди Ғарб матбуоти ислом ҳақиқатининг мусулмон бўлмаганларга етказилишига тўсқинлик қилмоқда ва уларни Ислом пайғамбарининг юксак шахсиятидан хабардор қилмасликка ҳаракат қилмоқда. Ғарб матбуоти Ислом пайғамбарига қарши ишлатадиган қурол - бу ҳақорат ва масхара. Бундай позиция уларнинг заифлиги, мукаммал инсон модели ва Муҳаммад (с.а.в.) каби энг юксак ахлоқ намунаси билан тўқнаш кела олмасликлари билан боғлиқ. Ғарб матбуоти ва ҳукуматлари Ислом пайғамбарининг илоҳий ва қудратли шахсини савол остига қўя  олмасликлари сабабли, улар ҳақоратли китоблар чиқариш, ғаразли мақолалар, карикатуралар орқали масхара қилиш ва ҳазратга қарши ёлғон филмлар ишлаб чиқариш каби мантиқсиз хатти-ҳаракатлар билан шуғулланадилар. Бу усул, исломнинг биринчи даврдаги арабларнинг Пайғамбарни масхаралашини эслатади. Ислом душманлари, агар дунё мусулмонларига намуна сифатида Пайғамбаримиз Муҳаммад (с.а.в.) нинг обрўсига путур етказилса, мусулмон халқи аста-секин Пайғамбар ва ўз динидан воз кечади, деб ўйлашади. Улар ислом пайғамбарининг шахсияти коинотдаги ғайбий ва абадий ҳақиқатлар билан боғлиқлигини ва жуда чуқур илдиз отганидан бехабар. Шундай қилиб, ҳақоратчилар ҳеч қачон ўз мақсадларига бу йўллар билан эриша олмайдилар. Чунки, Расули Акрамнинг муборак ҳаёти тарихи нафақат мусулмонлар, балки бутун дунё учун инсоний комиллик, хайрихоҳлик, тинчлик ва адолатнинг абадий намунасидир. Энди, бу махсус шароитда, мусулмонлар фитначи душманларнинг ҳийлаларини ҳушёрлик ва эҳтиёткорлик билан яхши таҳлил қилишлари, улар қарши фикр ва ҳаракат бирлиги билан курашишлари керак.

Ислом ўз издошларининг бирдамлигига катта аҳамият беради. Бир томондан, Қуръон уларни ҳидоят ва нажот рисмонига, яъни кучли илоҳий ипга ёпишиб олишга чақиради.  Бошқа томондан, қуръон мусулмонларни бирдамлик ва муҳаббат ришталарини узишдан қайтаради ва "бўлинманг" ,деб айтади.  Аллоҳ таолонинг бу баёнотининг маноси шундаки, нифоқ ва бўлиниш билан диннинг барқарорлиги мумкин эмас ва мусулмонларни ва барча қибла аҳлини манзилга олиб борадиган нарса шу бирлик ва яқинликдир. Бугун Ислом уйғониши туфайли ваҳдат ва бирлик нидолари бутун ислом оламини кезиб юрибди. Мусулмонлар охирги воқеалар юзасидан душманларининг юзларини яхшироқ билишмоқда. Ислом оламидаги бирликнинг йўналиши мусулмонларга қарши оммавий ахборот воситалари, сиёсий ва ҳарбий уруш олиб бораётган шахслар ва ҳукуматга қарши бўлиши табиийдир. Шундай қилиб, Эрон Ислом инқилоби натижасида ва Имом Хумайний ва бошқа ислом мутафаккирларининг мусулмонларни бирлаштириш учун қилган саъй-ҳаракатлари билан бошланган ҳаракат, ҳозирда муҳим натижаларни бермоқда. Бутун дунёдаги мусулмонлар ўз динлари ва бошқа одамлар учун масъулиятни ҳис қилишмоқда ва уларнинг яқинлашиши уларга барқарорлик ва ғурур олиб келади.

• Раҳмат пайғамбарининг бугунги дунё учун таълимотлари (-4)