Бирлашган Миллатлар Ташкилоти Хавфсизлик Кенгашида Украина бўйича оғзаки жанжал бўлди

Бирлашган Миллатлар Ташкилоти Хавфсизлик Кенгашининг душанба куни АҚШ талабига биноан Украинадаги воқеаларни муҳокама қилиш учун йиғилиши Вашингтоннинг Европадаги сиёсатини кучайтираётгани сабабли Россия ва Хитойнинг танқидига сабаб бўлди.

Россия ва Хитой вакиллари Вашингтоннинг Москва Украинага бостириб кириш ниятида экани ҳақидаги сўнгги даъволарини рад этди. Россиянинг БМТдаги элчиси Василий Небензя Хавфсизлик Кенгаши очиқ йиғилишининг ўтказилишини мунозарали дипломатия намунаси ва халқаро ҳамжамиятни Минтақадаги реал воқеалардан чалғитишга уриниш сифатида баҳолади. Унинг таъкидлашича, Қўшма Штатлар ҳозиргача Россиянинг Украинага ҳужум қилишини тасдиқловчи ҳеч қандай далил келтирмаган ва уруш ҳақидаги даъволар хаёлий.

Небензя Қўшма Штатлар уруш бошламоқчи бўлганидан хавотир билдирди ва Ғарб давлатлари ўзларининг бузғунчи манфаатлари учун бошқа давлатлар каби Украинани ҳам қурбон қилмоқчи бўлаётганга ўхшайди, деди.

Хитойнинг БМТдаги доимий вакили Чжан Жун ҳам шундай деди:Хитой АҚШ талабига биноан Хавфсизлик Кенгаши йиғилишини очиқ тарзда ўтказишга қарши.

АҚШ вакилининг Хавфсизлик Кенгашининг очиқ йиғилишини ўтказишига сабаб, Россия қўшинларининг Украина чегарасига жойлаштирилиши халқаро тинчлик ва хавфсизликка таҳдиддир.

АҚШнинг Бирлашган Миллатлар Ташкилотидаги вакили Линда Томас Гринфилд Украинадаги вазиятни ҳукуматнинг яқинда тутган позициясига мос равишда “шошилинч ва хавфли” деб баҳолади ва бу “тинчлик ва хавфсизликка таҳдид” бўлиши мумкинлигини айтди.

Хавфсизлик Кенгаши йиғилиши ўтказилаётган бир пайтда душанба куни АҚШ президенти Жо Байден баёнот бериб, агар Россия дипломатиядан узоқлашишга ва Украинага ҳужум қилишга қарор қилса, Кремл жавобгарликни ўз зиммасига олишини ва даҳшатли оқибатларга дуч келишини айтди.

Россия ва Хитойнинг Ғарбнинг, хусусан, АҚШнинг Россиянинг Украинага бостириб кириш нияти ҳақидаги қайта-қайта ва асоссиз даъволарига нисбатан танқидий позицияси икки рақиб халқаро кучларнинг муштарак позициясини акс эттиради. Дарҳақиқат, Вашингтон ҳозир Москва ва Пекин билан турли сиёсий, иқтисодий, савдо, ҳарбий ва хавфсизлик соҳаларида ва турли минтақаларда кенг кўламли қарама-қаршиликларга киришмоқда.

Россия ва Хитой нуқтаи назаридан, Вашингтоннинг умумий мақсади икки давлатни турли баҳоналар билан заифлаштириш ва жиловлаш, шунингдек, Москва ва Пекинга қарши коалиция тузиш, иложи бўлса, бу икки давлатга қарши халқаро консенсусга эришишга ҳаракат қилишдир. Вашингтон Британия ва Шарқий Европа давлатлари каби баъзи ҳамкорлари томонидан қўллаб-қувватланса-да, бу борада Ғарб блокининг умумий консенсусига эриша олмади. Масалан, Германия Шарқий Европадаги кескинликка, жумладан, Украинага қурол-яроғ юборишга қарши.

Албатта, АҚШнинг мақсади Украинага ҳужум қилиш нияти баҳонасида Россияга қарши кескинлик ва сиёсий ва ташвиқот уруши яратиш, Москва ва унинг юқори мансабдор шахсларига қарши санкцияларни мисли кўрилмаган даражада кенгайтириш учун зарур замин яратиш ва Россияни глобал миқёсда яккалаб қўйишга ҳаракат қилишдир.

Оқ уй матбуот котиби Жен Саки шундай деди:Қўшма Штатлар Россия президенти Владимир Путиннинг яқин ҳамкорлари доирасини бойкот қилишга тайёр. Бу одамларнинг кўпчилиги Ғарб молия тизими билан чуқур алоқада. Бу Россияга турли томонлардан зарба беришга уринишларимиздан бири холос.

Бу баёнотлар АҚШнинг Россияга ҳар томонлама зарба бериш ҳақидаги ҳақиқий ниятини яққол очиб беради. Вашингтоннинг мақсади - Россияни заифлаштириш, НАТОни шарқ томон кенгайтиришга уриниш орқали уни ҳарбий жиловлаш, Россия чегараси яқинига қўшин киритиш ва Европа қитъасида ядровий ракеталарни жойлаштириш. Албатта, Қўшма Штатларнинг яқин масофали баллистик ракеталар шартномасидан (ИНФ) чиқиши билан бу мақсад учун замин ҳозирланди.