Сионистик режим; босиб олинган ҳудудлардаги тартибсизликларнинг асосий сабаби

Эрон Ташқи ишлар вазирлиги вакили сионистик режимни босиб олинган ҳудудлардаги барча тартибсизликларнинг асл сабаби деб атади.

Эрон Ислом Жумҳурияти Ташқи ишлар вазирлиги матбуот котиби Саид Хатибзода жума куни кечқурун босиб олинган Фаластиндаги сўнгги воқеаларга тўхталиб, шундай деди: Мазлум Фаластин халқини ирқчилик, репрессия, ўлдириш, қамоққа олиш, кенг қамровли маҳрум қилиш ва ҳар куни таҳқирлаш, шунингдек, сионист апартеид режимининг очиқ терроризми босиб олинган ҳудудлардаги барча тартибсизликларнинг асосий сабабларидир.

Эрон Ташқи ишлар вазирлиги матбуот котиби босқинчиларга қарши курашни ҳимоясиз Фаластин халқининг қонуний ҳуқуқи ва сионистларнинг муқаддас қадамжоларга такрорий ҳужумлари ва ишғолчи Исроил режимининг Қуддус ва бошқа Фаластин ҳудудларида қаттиқ таъқиб остида бўлган одамларга қарши жиноятлари ва узлуксиз тажовузига жавоб деб атади ва Эрон Ислом Жумҳуриятининг Фаластин ишини ва унинг халқининг озодлик курашларини қўллаб-қувватлашини таъкидлади.

Охирги уч ҳафта ичида фаластинликлар босиб олинган ҳудудларда бешта шаҳидлик амалиётини амалга ошириб, камида 14 нафар сионистни ўлдирган ва яна ўнлаб кишиларни яралаган. Охирги амалиётда Фаластин манбалари пайшанба оқшомида Тел-Авивнинг энг катта кўчаларидан бирида шаҳидлик амалиёти муваффақиятли ўтказилганини маълум қилди. ОАВ хабарларига кўра, операцияда 3 нафар сионист ҳалок бўлган, 10 дан ортиқ сионист яраланган.

Операциядан кейин Исроил кучлари кутиш ҳолатига ўтиб, баъзи кўчаларни ёпиб қўйди; Сионистик режим чегара ва назорат-ўтказиш пунктларида ҳам хавфсизлик чораларини кучайтирди.

Фаластинлик ёшларнинг яқинда сионистларга қарши амалиёти сионистик режимнинг Ғазо сектори ва Ғарбий Соҳилда жиноят ва тажовузлари кучайганидан кейин амалга оширилди. Фаластин гуруҳлари агрессия давом этиши ҳақида огоҳлантирди.

Фаластин шаҳидлари оилалари миллий ассамблеяси яқинда ишғолчи сионистик режим кучлари 2021-йилда жами 357 нафар фаластинликни шаҳид қилгани, улардан 60 нафари фаластинлик аёллар эканини маълум қилди. Бу 1948-йилда Фаластин ерлари ишғол қилинганидан буён сионистик режим томонидан жиноят ва зўравонлик ҳаракатлари тарихидаги энг кўп фаластинлик шаҳид аёллар сонидир. Сионист жангарилар янги йил бошидан буён 1460 нафар фаластинликни ҳибсга олди.

Шубҳасиз, бу жиноятларнинг давом этиши Фаластин қаршилик гуруҳларининг муносабатига сабаб бўлди ва бу гуруҳлар сионистик режимни босқинчиларнинг жиноят ва тажовузлари ҳеч қачон жавобсиз қолмаслиги ҳақида доимо огоҳлантириб келадилар.

Фаластин Исломий Қаршилик Ҳаракати (Ҳамас) сиёсий бюроси аъзоси Суҳайл Ал-Ҳинди сионист режимни Фаластинга қарши тажовузини давом эттирса, “ўткир қиличлар” ва ўқотар қуроллар пайдо бўлиши ва бор кучи билан душманга қарши курашиши ҳақида огоҳлантирган эди.

Гап шундаки, 1948 йилда Британия бошчилигидаги халқаро фитна назорати остида сохта Исроил режимининг ўрнатилиши билан Фаластин халқи ва минтақа муаммолари бошланди ва шундан бери сионистик режим Ғарбий Осиё минтақасида тинчлик ва осойишталикка асосий тўсиққа бўлган саратон касаллигига айланди. Шу сабабдан Фаластиннинг сионистлар томонидан босиб олиниши масаласи Ислом оламида энг муҳим масала ҳисобланади.

Бироқ, етмиш йилдан ортиқ вақтдан бери Фаластин муаммоси Бирлашган Миллатлар Ташкилотида кўтарилганига ва ўнлаб давлатлар томонидан Фаластинни тан олинганига қарамай, Фаластин халқи ҳалигача мустақил давлатнинг барча афзалликларидан фойдалана олмаяпти ва фаластинликлар ўз мақсадларига эришиш учун йўлларга эга. Уларнинг сионист босқинчиларга қарши туришдан ташқари, ҳеч қандай режалари йўқ. Бошқача қилиб айтганда, сохта сионистик режимнинг исёнкор, қонунсиз ва аҳдни бузувчи характерини ҳисобга олсак, муқовимат Фаластиннинг босиб олинган халқининг сионистик режимни Фаластин тақдирини белгилаш учун демократик ечимни қабул қилишга мажбурлаш учун ягона танловидир.

Ислом инқилоби муаззам раҳбари Оятуллоҳ Хоманаий 2017-йил феврал ойида Фаластин масаласига бағишланган нутқида шундай таъкидлаган эдилар: (Фаластин масаласининг) Давоси нима? Давоси - жасоратли кураш ва қаршилик. Фаластин халқи ва Фаластин кучлари ва Фаластин ташкилотлари ўзларининг фидокорона жиҳодлари билан майдонни сионист душманга ва Америка Қўшма Штатларига торайтиришлари керак; Бу ягона йўл ва уларга бутун Ислом олами ёрдам бериши керак; Барча мусулмон халқлар фаластинликларни қўллаб-қувватлаши керак; мана шу даво. Албатта, менинг фикримча, Фаластиннинг қуролли ташкилотлари оёққа туришади, қаршиликни давом эттиришади; Йўл - қаршилик.

Сайид Ҳасан Насруллоҳ: фаластинликлар ўз курашларида бой бермайди