Муқаддас ойда қаршилик кўрсатиш куни; Фаластинликларнинг сионистларнинг жиноятига қарши туриш иродаси

Исроил ҳарбийларининг Фаластинликларга масжид-ул-Ақсода ҳужум қилиши ва ўнлаб кишиларнинг жароҳатланиши, фаластинликларнинг бу жиноятларга қарши кураш иродасини кучайтирди.

Фаластин Исломий Қаршилик Ҳаракати (Ҳамос) пайшанба куни Ал-Ақсо масжидида катта оломон йиғилишига чақириқ билан чиқди. Фаластин халқи ҳам жума куни эрталаб Ал-Ақсо масжидига тўпланди. Сионист режим кучлари Ал-Ақсо масжиди ҳовлиларига ҳужум қилиб, кўп сонли намозхонларни яралади. Муҳим савол шундаки, сўнгги ойларда сионистлар ва фаластинликлар ўртасидаги зиддият даражаси ошишига нима сабаб бўлди?

Биринчиси, сионистик режим ва баъзи араб давлатларининг муносабатларни нормаллаштириш ва кўплаб учрашувлар ўтказиш борасидаги ёндашуви ва сиёсати фаластинликларнинг ҳар қандай хориждан ёрдам олиш умидини пучга чиқарди ва сионистик жиноятга қарши туришнинг ягона йўли сифатида қаршилик кўрсатиш қатъиятини оширди. Сионистлар нормаллашув ва араб расмийлари билан учрашувлар режим хавфсизлигини таъминлаб, Фаластин масаласи четга сурилишини кутган эдилар, аммо шаҳидлик амалиётлари Фаластин масаласи четга суриб қўйилмаганини ва фаластинликларнинг ўзи ҳам Фаластин масаласини минтақавий ўзгаришлар марказида ушлаб туришини кўрсатди. 

Иккинчи жиҳат шундаки, Фаластинликларнинг Фаластин мухтор ҳукуматидан умидлари сўнган. Фаластин маъмурияти раҳбари Маҳмуд Аббос Фаластиннинг шаҳидлик амалиётларини қоралаб, сионистик режим билан музокаралар олиб боришга умид қилишда давом этмоқда. Аксинча, ҲАМОС ҳаракати Ал-Қудс ва шаҳидлик амалиётларини қўллаб-қувватлаш учун кенг халқ иштирокига чақирув эълон қилди ва халқ бу чақирувни олқишлади. Яъни, Фаластин халқи ҳукумат халққа мос қадам ташламаяпти, деган хулосага келди ва шунинг учун ҳукуматнинг ёндашувини рад этар экан, амалда сионистларга қаршилик кўрсатишда қатъийлигини кўрсатди.

Учинчи нуқта, фаластинликлар сионистик режим ўз тарғиботларига зид равишда ҳарбий ва хавфсизлик нуқтаи назаридан ўта заиф, деб ҳисоблайдилар. Ўтган йилги 11 кунлик уруш ва ҳарбий заифликлар ва шаҳидлик амалиётлари ҳам сионистик режимнинг разведка заифлигини исботлади. Шаҳидлик амалиётлари сионистик режим ва унинг кўп сонли разведка ва хавфсизлик аппаратларининг бундай амалиётларнинг олдини олишга қодир эмаслигини кўрсатди. Бу вазиятга қўшимча равишда, айниқса, сўнгги йилларда сиёсий нотинчлик ва заиф ҳукуматларни қўшишимиз керак. Фаластинликлар бу заифликларни билган ҳолда жиноятларга қарши туриш ва режимга қаршилик кўрсатишда қатъийлик кўрсатди.

Тўртинчи нуқта, масала Фаластиннинг ҳудудий ва диний ўзига хослиги тўқнашуви бўлиб, миллий ўзига хосликка эга бўлган ҳар қандай давлат ўзининг ҳудудий ўзига хослиги ва динига қилинган ҳужумлар олдида жим турмайди. Ғарб мустамлакачи давлатлар томонидан яратилган кичик араб давлатларидан фарқли ўлароқ, фаластинликлар тарихий илдизларга эга ва асосий миллий ўзига хосликка эга. Сионистик режим улардан фаластинликларнинг диний ўзига хослигини, яъни Ал-Ақсо масжидини ва уларнинг ҳудудий ўзига хослигини, яъни Фаластин заминини тортиб олишга ҳаракат қилмоқда ва бу фаластинликлар қабул қиладиган нарса эмас. Дарҳақиқат, босиб олинган ҳудудлардаги Сионист аҳолисида миллий ўзига хослик мавжуд эмас ва режим турли хил ва мос келмайдиган демографик таркибга эга, фаластинликлар эса ўзларининг миллий ўзига хослигини ҳимоя қилишда консенсус ва бирликда бўлган бир ҳил ва яхлит демографик таркибга эга.

Якуний нуқта шундан иборатки; Агар халқаро ҳамжамият сионистик тузум жиноятларига сукут сақлашда ва қўллаб-қувватлашда давом этса, фаластинликлар ва сионистлар ўртасидаги зиддият даражаси, айниқса, Рамазон ойининг охирги жума кунида Жаҳон Қудс куни яқинлашаётгани муносабати билан кучаяди.

Қуддус хабарлари: фаластинлик ёшлар Ал-Ақсо масжидида сионистларга қарши туришмоқда