Pars Today

Ўзбекистон ҳукумати вакиллари томонидан такфирчи-террористик, жангари ва экстремистик оқимларни аниқлаш ва йўқ қилиш ҳаракатлари давом этмоқда.

Ўзбекистон полицияси жорий йил бошидан буён мамлакатда 14 та такфирчи-террорчи гуруҳларни аниқлаб, уларга барҳам берди. Ўзбекистон ИИВнинг маълумотларига кўра, жорий йилда (2022-йил) Тошкент шаҳри ва вилоятида аъзолари “Тавҳид ва жиҳод катибаси” террорчилик ташкилотлари ва ИШИД жангарилари билан алоқадор бўлган 4 та махфий гуруҳ фаолияти аниқланган ва бошқа 10 та виртуал гуруҳлар аниқланган ва қўлга олинган.

Ўзбекистон ИИВ тарқатган хабарга кўра, Тошкент вилоятида қўлга олинганлардан бири, 2001-йилда туғилган, Сурия фаолият юритувчи “Тавҳид ва жиҳод катибаси” террорчилик ташкилоти агенти буйруғи Ўзбекистон пойтахтида яширин бўлим ташкил этган. Бу террор ташкилоти алданган, Ислом аҳкомларидан бехабар одамларни ўзига тортди. Биргина Ўзбекистон пойтахтида саккизта жиноий гуруҳнинг қўпорувчилик ҳаракатларининг олди олинди.

Террористик ҳаракатлар ўзларининг ҳақли аъзоларидан бир қисмини Суриядаги жангарилар лагерларига боришга тайёрлашга қарор қилишган. Ҳибсга олинган террорчилик ҳаракатлари аъзоларининг эътирофлари Сурияда ҳозир бўлиш учун пул ва молиявий манбаларни олишда давом этаётганликларини кўрсатади. Бу турли террористик оқимлар, жумладан ИШИД ва “Тавҳид ва жиҳод катибаси” ва бошқа такфирчи-террорчи ташкилотлар уч йил аввал мағлубиятни қабул қилиб, Суриядан бошқа давлатларга қочиб кетишга ҳаракат қилган пайтда АҚШ ва Буюк Британия ҳукуматлари Марказий Осиёдаги дипломатлари орқали бу норози шахсларни аввал Афғонистонга, кейин эса Марказий Осиё минтақасига кўчириш учун саъй-ҳаракатларини икки баравар оширди. Дарҳақиқат, АҚШ ва Британия бошчилигидаги Ғарб ҳукуматлари Сурия ва Ироқдаги террорчилик ҳаракатларини қайта ташкил этиш ва Афғонистонга, келажакда эса Марказий Осиёга ўтказиш учун тинимсиз ҳаракат қилмоқда.

АҚШ ва Британиянинг бу ҳаракатларининг фош этилиши Марказий Осиё ҳукуматларини бу оқимларга қарши туришга тайёр қилиб қўйди. Шу муносабат билан Марказий Осиёда хавфсизлик бўйича экспертлар ўтган йил давомида Марказий Осиё минтақасида шахсларнинг такфирий-террорчи гуруҳларга қўшилиш ёшини қисқаргани ҳақида бир неча бор огоҳлантирган. 2020-йил ноябр ойида Қирғизистон минтақавий экспертлар уюшмаси “Экстремизм ва терроризмга қарши курашишда ёшлар тарбиясининг ўрни” мавзусидаги анжуманда ёшлар экстремизмига қарши курашиш йўлларини муҳокама қилди. Конференсияда Марказий Осиё хавфсизлик бўйича экспертлар шундай дедилар: "Террорчиларнинг ёши тез пасайиб бормоқда. Террорчилар орасида ҳатто 12 ёшли болалар ҳам бор".

Ушбу мутахассислар яна таъкидладилар: Минтақадаги ҳозирги вазиятни, айниқса Афғонистондаги нотинч вазиятни ҳисобга олиб, биз ҳозирдан бошлаб ёшлар экстремизмига қарши курашиш ҳақида ўйлашимиз керак, чунки бутун Марказий Осиё минтақасида яширин унсурлар фаоллашди”.

Марказий Осиё республикалари орасида Ўзбекистон минтақадаги аҳолиси энг кўп, шунингдек, алданган одамларни такфирчи-террористик оқимларга жалб қилишга мойил давлатлардан бири саналади. Аммо Тошкент расмийлари Коллектив Хавфсизлик Шартномаси Ташкилоти тавсияларига амал қилган ҳолда, бу борада тажриба тўплаган минтақавий ва жаҳон ҳукуматлари ёрдамидан тўлиқ фойдаланди. Шунинг учун ҳам Ўзбекистон полицияси ва хавфсизлик ходимлари сўнгги уч йил ичида ўнлаб пайдо бўлган гуруҳларни фош этиб, юзлаб аъзоларини ҳибсга олди ва қамоққа ташлади. Бундан ташқари, Тошкент ҳукумати расмийлари сўнгги икки йил давомида мамлакатда диний экстремистик оқимларни тинчлантириш сиёсати самарасиз, деган хулосага келган.

Ўшандан буён Ўзбекистон милиция ва хавфсизлик кучлари турли шаҳарларда бир қатор экстремистик оқимларни аниқлаш билан бирга, ИШИД, “Ҳизб ут-Таҳрир”, “Тавҳид ва жиҳод катибаси” ва “Жиҳод” террорчилик гуруҳлари ва бошқа экстремистик гуруҳлар аъзоларини аниқлаб, ҳибсга олди. Номидан кўриниб турибдики, бу экстремистик гуруҳларнинг аксарияти Марказий Осиё халқлари маданиятига ёт.

Такфирчи-террористик оқимларнинг илдизлари ислом динидан этник ва оилавий мақсадларга эришиш учун фойдаланадиган арабзабон мамлакатларга бориб тақалади. Саудия Арабистонида асос солинган “Ал-Қоида” ва саудиялик бой оилалари бу террорчи гуруҳ аъзолари учун пул тўлаган. Бу террорчи ташкилот бошиданоқ Форс кўрфазидаги баъзи араб давлатлари ва ҳатто халқаро сионизм манфаатларига хизмат қилган. Бироқ, сўнгги бир неча йил давомида ижтимоий тармоқларда пайдо бўлган фошларнинг барчаси Саудия Арабистони, Қувайт ва БАА бу диний оқимларнинг харажатларини ўз зиммаларига олишини кўрсатмоқда. Аслида Марказий Осиёнинг алданган ёшларига пул тўлаш орқали Саудия Арабистони, БАА ва Қувайт сиёсатига қарши чиққан бошқа мусулмонларни ҳам ўлдиришга ҳаракат қилишмоқда.

Йил бошидан бери Ўзбекистонда 14 экстремистик гуруҳларнинг 250 нафар аъзолари аниқланди