Pars Today

Россия ташқи ишлар вазири Пентагондаги америкалик амалдорларнинг Кремлнинг бошини кесиб ташлашга қаратилган зарба ҳақидаги баёнотлари аслида Россия президентини жисмонан йўқ қилиш ва ўлдириш таҳдиди эканлигини маълум қилди.

Россия ташқи ишлар вазири Сергей Лавров қўшимча қилди:Вашингтон ҳаммадан ошиб кетди, баъзи Пентагон расмийлари Кремл бошини кесиш учун зарба бериш билан таҳдид қилмоқда, аслида биз Россия президентини (Владимир Путин) жисмоний йўқ қилиш таҳдиди ҳақида гапиряпмиз. Бундай фикр ва ғояларга эга бўлган одам, бундай режаларнинг мумкин бўлган оқибатлари ҳақида бир оз ўйлаб кўриши керак.

Россия ташқи ишлар вазирининг Пентагоннинг яқинда Путинни террор қилиш таҳдидига нисбатан кескин муносабати Вашингтоннинг Украинадаги урушни кенгайтиришга қаратилган саъй-ҳаракатлари, шунингдек, Қўшма Штатлар ва унинг ҳамкорларининг Россиядаги қўпорувчилик ҳаракатларига оид баъзи очиқланишларни назарда тутсак, мантиқийдир. Аслида, Байден ҳукумати Россияга қарши прокси уруш бошлади, унда у қудратнинг барча омиллари ва таркибий қисмларидан, жумладан, сиёсий, дипломатик, иқтисодий ва тижорат, энергетика, хавфсизлик ва ҳарбий, шунингдек, юмшоқ куч, ташвиқот ва психологик урушдан Москвага қарши фойдаланмоқда.

Чунки Россия Президенти Владимир Путин бу улкан давлатни амалда назорат қилади ва Россиянинг сиёсати ва ҳаракатларида, жумладан, Украина урушида ҳам инкор этиб бўлмас рол ўйнайди. Шу боис, Вашингтоннинг уни жисмоний йўқ қилиш орқали нафақат Европада, балки бутун дунёда Америка сиёсати ва ҳаракатлари йўлидан катта тўсиқни олиб ташлашни хоҳлаётгани ажабланарли эмас. Албатта, Американинг Путинга қарши психологик уруш бошлаш орқали қилган ҳаракатлари мисли кўрилмаган.

АҚШ-Россия муносабатлари АҚШ президенти Жо Байден 2021-йил январида лавозимга киришганидан бери пасайиш тенденциясида бўлди ва Вашингтон Россияга қарши позициялари ва чораларини икки баравар оширди. Байден бошиданоқ Путинга қарши қилич ялонғочлаган ва 2021 йил март ойида берган интервюсида у Россия президенти Владимир Путинни қотил деб таърифлаган. Бу айблов шу пайтгача АҚШ ва Россия раҳбарлари даражасида мисли кўрилмаган, деб ҳисобланган ва шу боис Россиянинг кескин муносабатига учраган.

Давлат Думаси раҳбари Вячеслав Валодин  Байденнинг Путинга қарши баёнотларини унинг қобилиятсизлиги натижаси деб атади ва Путинга ҳужум Россияга қилинган ҳужум эканлигини таъкидлади. Украинада уруш бошланганидан кейин, 2022-йил март ойи ўрталарида, Жо Байден Украинага 800 миллион долларлик янги ҳарбий ёрдам берилишини эълон қилар экан, биринчи марта Россия президенти Владимир Путинни ҳарбий жиноятчи деб атади. "Путин ҳарбий жиноятчими?" деган саволга Байден дастлаб "йўқ" деб жавоб берди, лекин саволга ойдинлик киритиш учун дарҳол журналистларга қайтди. Журналистлар ундан Путин ҳарбий жиноятчими ёки йўқми, деб яна сўрашганида, АҚШ президенти ижобий жавоб бериб, “Менимча, у (Путин) ҳарбий жиноятчи”, деб жавоб қайтарди. Америка президентининг бу позицияси ҳақиқатда Вашингтоннинг Москвага нисбатан қарама-қаршиликлари ва душманлигининг чуқурлигини кўрсатади ва шу билан бирга Америка раҳбарларининг Россия раҳбариятига нисбатан ҳақиқий нуқтаи назарини ифодалайди.

Афтидан, Вашингтоннинг якуний мақсади Путинни обрусизлантириш ва Украинада уруш жиноятларини содир этишда айблаш орқали Халқаро жиноят суди таьқибида бўлган Суданнинг собиқ президенти Умар ал-Башир каби диктаторлар даражасига тушириш ва Россия президенти Украинадаги уруш жиноятлари иддиоси билан айбдор деб кўрсатиш ва халқаро судда жавобгарликка тортмоқчилар. Бироқ Путиннинг АҚШ томонидан ўлдирилиши масаласи мисли кўрилмаган деб баҳоланмоқда. Албатта, аввалроқ Доналд Трамп президентлиги даврида Америка миллий хавфсизлик бўйича маслаҳатчи Жон Болтон Россия президенти Владимир Путинни Украинада ядро қуролидан фойдаланиш эҳтимоли ҳақида огоҳлантирган ва Путиннинг Вашингтон томонидан ўлдирилиши мумкинлигини иддио қилган эди.

2022-йил октябр ойида бўлиб ўтган интервюсида Болтон Қўшма Штатлар Путин каби мавқега эга бўлган давлатнинг амалдаги раҳбарини йўқ қилиши мумкинми деган саволга жавоб берар экан, бу тез содир бўлмаслиги мумкинлиги, бироқ Россия президенти жавобгарликка тортилишини билиши кераклигини айтди.