Мираброр Усмонов ўрнига ЎФФга янги президент сайланди

Бугун Ўзбекистон Футбол Федерациясининг ҳисобот ва сайлов конференцияси бўлиб ўтди. Умид Аҳмаджонов Мираброр Усмонов ўрнига ЎФФга президент этиб сайланди

Ўзбекистон футбол федерациясининг ҳисобот сайлов конференциясида янги президентни сайлаш маросими бўлиб ўтди.

Олий Лига клуби вакиллари, мураббийлар, раҳбарият ва вилоят футбол федерациялари етакчилари Тошкентдаги Radisson Blu меҳмонхонасида йиғилишди

Йиғилишда Тошкентнинг «Пахтакор» клуби вице президенти лавозимида ишлаб келган Умид Аҳмаджонов ЎФФ президентлиги учун ягона номзод сифатида кўрсатилди. 

Конференция иштирокчилари бир овоздан бу номзодни қўллаб қувватлашди. Шу кунга қадар Ўзбекистон Миллий Паралимпия Ассоциацияси Раиси ўринбосари ва "Пахтакор" клуби вице-президенти лавозимида ишлаб келган Умид Ахмаджонов Ўзбекистон Футбол Федерациясининг янги президенти сифатида эълон қилинди.

Мираброр Усмонов 10 йиллик фаолиятидан сўнг ўрнини Аҳмаджоновга бўшатиб берадиган бўлди.