Абдулазиз Комилов АҚШ элчисини қабул қилди

Ўзбекистон Ташқи ишлар вазири Абдулазиз Комилов АҚШ элчиси Памела Леора Спратленни қабул қилди

2 октябрь куни Ўзбекистон Ташқи ишлар вазири Абдулазиз Комилов АҚШ элчиси Памела Леора Спратленни қабул қилди. Бу ҳақда ТИВ матбуот хизмати хабар қилди. 

Учрашувда Ўзбекистон Президенти Шавкат Мирзиёевнинг 18–20 сентябрда АҚШга ташрифи якунлари, АҚШнинг йирик бизнес вакиллари билан учрашувлар ҳамда эришилган келишувларни амалга ошириш жараёни муҳокама қилинди.

Музокаралар чоғида турли даражаларда бўлажак икки томонлама учрашувлар жадвали ва кун тартиби, жумладан Самарқандда БМТ шафелигида ноябрь ойида ўтказиладиган «Марказий Осиё: ягона тарих ва умумий келажак, барқарор ривожланиш ва тараққиёт йўлидаги ҳамкорлик» мавзусига бағишланган юқори даражадаги халқаро анжуманда АҚШ делегацияси иштироки юзасидан фикр алмашилди.