Россиянинг Ўзбекистон билан ташқи савдо айланмаси 2017 йилда 30 фоиздан ошиб кетди

Йил давомида МДҲнинг деярли барча давлатлари билан савдо ҳажми ортди. Қирғизистон билан - 31,6%, Ўзбекистон билан - 33,9%, Озарбойжон билан - 34,5%, Арманистон билан - 29%га.

Россия Федерацияси Федерал божхона хизмати маълумотларига кўра, Россиянинг Ўзбекистон ва Қирғизистон билан ташқи савдо айланмаси 2017 йилда 30%га кўпайган. Бу ҳақда «Провэд» нашри маълум қилди.

МДҲ мамлакатлари орасида асосий савдо шериги ҳамон Беларусдир. Йил якунлари бўйича ушбу давлат билан савдо ҳажми 26 фоизга ўсиб, 30,2 миллиард долларни ташкил этди. Шу билан бирга, экспорт ҳажми 29,2 фоизга ўсди - 18,4 млрд долларгача, импорт эса 21,2%га - 11,8 млрд долларгача.

Қозоғистон МДҲ давлатлари орасида иккинчи йирик савдо шериги. Мамлакатлар ўртасидаги ташқи савдо айланмаси 2017 йил якунлари бўйича 30 фоизга ошди – 17,2 млрд долларгача. Қозоғистонликлар Россиядан металлар, нефть, машиналар ва ускуналар, кимёвий моддаларни харид қилмоқда, эвазига эса нефть маҳсулотлари, металлопрокат, мис, ноорганик кимё маҳсулотлари етказиб берилмоқда.

Туркманистон эса истиснога айланди. Йил давомида у билан савдо жуда паст даражага тушиб кетди. Ташқи савдо айланмаси 52,5 фоизга камайиб, 428 миллион долларни ташкил этди. Экспорт 30,7 фоизга камайиб, 343,8 миллион долларга тенг бўлган бўлса, импорт эса 74,5 фоизга - 84,4 миллион АҚШ долларига қадар. Импортнинг кескин пасайиши, биринчи навбатда, пластмасса, минерал ёқилғи ва тўқимачилик маҳсулотларини етказиб беришга ўз таъсирини ўтказди.