Беш йил ичида Россия фуқаролигини олган ўзбекистонликлар сони 2 бараварга кўпайди

2012-2017 йилларда Россия фуқаролиги олган хорижий фуқаролар сони деярли 3 бараварга (95,7 мингдан 257,8 минггача) кўпайди.

Аср.уз сайтига кўра, 2017 йилда 85,1 минг нафар Украина фуқароларига Россия паспорти берилди. 2012 йил билан солиштирилса 8 баравар кўпайганлигини кўриш мумкин.

Иккинчи ўринни Қозоғистон фуқаролари (40,7 минг) эгаллашди. Сўнгги беш йил ичида бу кўрсаткич 3 бараварга кўпайди (2012 йилда атиги 14,6 минг фуқарога Россия паспорти берилди).

2017 йилда 29,0 минг нафар Тожикистон фуқаролари Россия фуқаролиги олишди (2012 йилда 9,8 минг нафар фуқаро олган).

Бешинчи ўринни Армения (2017 йилда 25,1 минг киши, 2012 йилда 13,1 минг киши) ва Ўзбекистон (2017 йилда 23,3 минг киши, 2012 йилда — 13,4 минг киши) эгаллашган.

Хорижий фуқаролар Россия фуқаролигини олиш бўйича умумий ва соддалаштирилган тартиб асосида амалга оширилади.

Умумий тартиб асосида биринчи навбатда 3 йил муддатга вақтинча яшаш рухсатномасини олиш зарур бўлади. Кейинчалик беш йиллик муддатга «яшаш учун рухсатнома» (вид на жительство) рухсат сўраш мумкин бўлади. Шундан сўнг, хорижий фуқаро Россия паспортни олиш учун ҳужжатларни топшириш ҳуқуқига эга бўлади.