Шавкат Мирзиёев Италияга таклиф қилинди

Италия президенти Сержо Маттарелла Ўзбекистон Президенти Шавкат Мирзиёевни ўзи учун қулай вақтда Италияга ташриф буюришга таклиф қилди. ТИВ матбуот хизмати хабар беришича, у бу ҳақда Ўзбекистоннинг Италиядаги янги элчиси Отабек Акбаровдан ишонч ёрлиғини қабул қилиш чоғида айтиб ўтган.

Италия давлат раҳбари 18 йиллик танаффусдан сўнг икки мамлакат раҳбарлари ўртасидаги мулоқотни қайта тиклаш муҳим аҳамиятга эгалигини таъкидлаган.

Бундан аввалроқ Чехия  раҳбари ҳам Ўзбекистон президентига шундай таклифларини билдиришганди.

Ўзбекистон президенти 2019 йил январида Германияга ташриф буюриши режалаштирилган. Шунингдек, 2019 йил бошида Японияга ҳам сафар амалга оширилиши ҳам мумкин.