Тожикистонлик тадбиркорлар Ўзбекистоннинг экспорт кредитини олмаяпти
-
Тожикистонлик тадбиркорлар Ўзбекистоннинг экспорт кредитини олмаяпти
Тожикистонлик тадбиркорлар Ўзбекистонда ишлаб чиқарилган маҳсулотларни ўз мамлакатига етказиб бериш учун ўзбек банклари томонидан тақдим этилаётган имтиёзли кредитларни олишга у қадар қизиқиш билдирмаяпти
Ўзбекистоннинг экспорт кредитлари ўтган йил март ойида икки мамлакат ҳукуматлари ўртасида имзоланган молиявий ҳамкорлик тўғрисидаги шартнома асосида тақдим этилади.
Ҳужжатда икки давлатнинг муайян банклари томонидан умумий қиймати 100 миллион АҚШ долларга тенг махсус кредит линиялари очилиши кўзда тутилган.
Таклиф қилинаётган кредит суммасининг ярмига яқинини Тожикистон «Амонатбонк» жамғарма банки тақдим этади. Ушбу молия муассасаси икки ўзбек банки билан умумий қиймати 43 миллион АҚШ долларга тенг кредитларни бериш бўйича шартнома имзолаган.
«Амонатбонк» раҳбари Сирожиддин Икромий 5 февраль куни банк ҳозирча 507 минг АҚШ долларлик ўзбек кредитларини жалб қилиш бўйича кафолатларни тақдим этган. Бу кредитларнинг 1,2 фоизини ташкил қилади.
Тожикистон импортчиларига ўзбек кредитларини жалб қилинишини тўхтатиб турган асосий омил бу кредитларнинг Америка валютасида тақдим этилишидир.
