Ўзбекистон ҳаво йўллари самолёти йўлакдан чиқиб кетди
Ўзбекистон ҳаво йўллари”нинг Тошкентдан Санкт-Петербургга учган самолёти Пулково аэропортига қўниш вақти учиш-қўниш йўлагидан чиқиб кетди
“2 март куни москва вақти билан соат 21:59 да Ўзбекистон ҳаво йўлларининг Boeing-767 UK67008 ҳаво кемаси HY631-сонли Тошкент – Санкт-Петербург –Тошкент парвозини амалга ошириш вақтида, “Пулково” аэропортига қўнганидан кейин, ерда бошқариш вақти олдинги ғилдираги билан қисман йўлакдан чиқиб кетди. Самолёт зарар кўрмаган, йўловчиларни авария ҳолатида эвакуация қилиш керак бўлмади”, - дейилган аваиакомпания хабарида.
Ушбу ҳодисага сабаб – об-ҳаво шароити ва учиш-қўниш йўлагининг ҳолати, - дейилган компания хабарида. Воқеа содир бўлганда самолёт бортида 241 нафар йўловчи 15 нафар экипаж аъзолари бўлган.
Россия Тергов қўмитаси ва Росавиация “Пулково” аэропортида бўлиб ўтган воқеа юзасидан тергов ишлари олиб бормоқда.
Ўзбекистон ҳаво йўллари, ўз навбатида, HY632 сонли “Санкт-Петербург – Тошкент” йўналишида парвоз қилиши керак бўлган йўловчиларни меҳмонхонада жойлаштириш чора тадбирларини кўрмоқда.
