Халқаро валюта жамғармаси директори Самарқандга келди

Ўзбекистонга борган Халқаро валюта жамғармаси бошқарувчи директори Кристин Лагард бошчилигидаги делегация аъзолари кеча Самарқандга сафар қилди.

— Самарқанд жуда гўзал ва обод шаҳар экан, — дейди Кристин Лагард. — У Буюк Ипак йўлининг йирик савдо марказларидан бири бўлганлиги ҳақида эшитгандим. Бу ердаги бир неча асрлик тарихий обидалар ўзбек халқи қурилиш, архитектура бўйича улкан тажриба ва салоҳиятга эгалигидан далолат беради. Мен бу биноларни кўриш, уларнинг деворларни ушлаб кўришни орзу қилардим. Бу орзуларим ушалганидан хурсандман.

Эслатиб ўтамиз, Ўзбекистон Республикаси президенти Шавкат Мирзиёев мамлакатга расмий ташриф билан келган Халқаро валюта жамғармаси бошқарувчи директори Кристин Лагардни қабул қилганди.

Учрашувда Ўзбекистон ва Халқаро валюта жамғармасининг ҳамкорлиги истиқболлари батафсил муҳокама қилинди ва бу борадаги устувор йўналишлар белгилаб олинди.

Пул-кредит ва солиқ-бюджет сиёсатини такомиллаштириш, монетар сиёсатнинг самарали воситаларини жорий этиш, мамлакатимизда ишбилармонлик ва инвестиция муҳитини яхшилаш ҳамда бошқа йўналишларда фаол ҳамкорликни давом эттиришга алоҳида эътибор қаратилди.

• ХВЖ директори Мирзиёевга мактуб йўллади. Унда валюта сиёсатини либераллаштириш тилга олинган

• Шавкат Мирзиёев: Мактаб ўқитувчисининг ойлигини минг долларга етказмоқчимиз