Ўзбекистонда 2100 киши карантинга олинди
Ўзбекистонда ҳозирги кунда 2100 нафар одам карантинга жойлшаштирилгани аниқланди.
Ўзбекистон фуқароси коронавирус тарқалган мамлакатдан бир ўзи қайтиб келса, унга уй карантини белгиланади. Чартер рейслари билан Ўзбекистонга қайтарилган фуқаролар карантинга жойлаштирилади деб хабар қилган Кун.уз сайти.
Вазирлар Маҳкамаси ҳузуридаги Давлат санитария-эпидемиология назорати инспекцияси бошлиғи Нурмат Отабеков «Ўзбекистонда короновирус инфекциясининг тарқалиши ва унга қарши кўрилаётган чоралар бўйича таълим муассасаларида амалга оширилаётган ишлар» мавзусида брифингда карантинда сақланаётганларнинг аҳволи ҳақида маълум қилди.
«Шу пайтгача Ўзбекистон фуқароларининг 7900 нафардан кўпроғи карантинда бўлди. Шу пайтгача 5700 нафардан ортиқ одам карантин талабларини ўтаб, уйларига қайтди. Ҳозирги кунда 2100 одам карантинда турибди.
Тошкент вилоятининг «Бўстон», «Энергетик» санаторийларида ва Тошкент шаҳридаги 6-сонли шифохонада карантинда ушланган шахслар барча шароитлар билан таъминланган», деди у.
Маълум қилинишича, уларнинг барчаси етарли тиббиёт ниқоблари ва санитария геллари билан таъминланган. Уларнинг соғлиги тиббиёт ходимлари томонидан назоратга олинган. Бундан ташқари, карантиндаги фуқаролар нафақат касаллик туфайли назоратда, балки соғлигини тиклаб олиш учун ҳам имкониятга эга.
