Ўзбекистонда 33 киши коронавирусни юқтириб олган

Ўзбекитонда коронавирусга чаланган беморлар билан алоқада бўлган яна 9 киши вирус юқтирган, шунингдек, хориждан келган бир ўзбекистонликда вирус аниқланган.

Кун сайтига кўра, «Сўнгги маълумотларга кўра, коронавирус инфекциясига чалинган беморлар билан мулоқотда бўлган яқинларидан 9 нафарида коронавирус инфекцияси аниқланган. Шунингдек, хориждан келган яна бир нафар фуқарода ҳам ушбу инфекция борлиги тасдиқланган. Айни пайтга келиб, коронавирус инфекция аниқланган ўзбекистонлик беморлар сони 33 нафарга етди.

Инфекция тарқалиб кетишининг олдини олиш мақсадида олиб борилаётган эпидемиологик суриштирув ишлари давом эттирилмоқда», дейилади Ўзбекистон Соғлиқни сақлаш вазирлиги Жамоатчилик билан алоқалар бўлими хабарида.

• Ўзбекистонда 9 минг киши карантинга олинган