14 ёшдаги ўсмирлар Ўзбекистон Сенат сайтини бузиб кирган
-
14 ёшдаги ўсмирлар Ўзбекистон Сенат сайтини бузиб кирган
Олий Мажлис Сенати сайтига киберҳужум уюштирганлар 6 киши бўлиб, уларнинг барчаси 14 ёшдаги ўсмирлар бўлгани аниқланди.
14 ёшли ҳакерлар бунгача ҳам бир неча давлат органлари сайтларига, жумладан, Kundalik.com сайтига ҳам бузиб киришганини тан олишгани айтилади.
Ўзбекистон Сенат сайтини бузиб кирган ёшхакерлар гуруҳи ўзини MarshGolden деб номлайди. Жамоат етакчиси My5 телеканалига берган аноним интервьюсида киберҳужумларни 2019 йилдан бошлаганини айтади..
“Сайтларни бузишни 2019 йили Kundalik.com сайтидан бошлаганман. У пайтлар сайт анча заиф эди. Унга бузиб кириб, баҳоларимизни тўғрилаганмиз. Ўшандан кейин жамоа йиғиб иш бошлаганмиз”, дейди исми очиқланмаган ҳакер.
Ёш ҳакер 2 ноябрь куни «Senat.uz» расмий сайтига ҳужумни ҳам ўзлари уюштирганини тан олган. Бу орқали улар мутасаддиларга сайтнинг хавфсизлик тизимидаги заифликни кўрсатиб қўймоқчи бўлишган.
“2 ноябрь куни соат 11:00да сайтдаги заифлик ҳалигача бартараф этилмагани сабабли хавфсизлик тизимидаги камчиликларни кўрсатиб қўйиш мақсадида Сенат расмий сайтига киберҳужумни амалга оширдик. Бизда ҳали киберхавфсизлик ривожланмаган, шу сабабли дастурчилар сайтларни ишлаб чиқаётганда бу нарсага аҳамият қаратиши керак. Шунинг учун ҳам ҳали Ўзбекистон сайтларида заифликлар кўп. Агар шароит яратиб берилса, бизга қилинган харажатларни давлат учун ишлаб қоплардик”, дейди MarshGolden гуруҳи етакчиси.
