Шавкат Мирзиёев Америка-Ўзбекистон савдо палатаси делегацияси билан учрашди
-
Шавкат Мирзиёев Америка-Ўзбекистон савдо палатаси делегацияси билан учрашди
Кеча Ўзбекистон президенти Шавкат Мирзиёев 16 ноябрь куни «Кўксарой» қароргоҳида Америка-Ўзбекистон савдо палатаси раиси Кэролин Лэмм бошчилигидаги делегациясини қабул қилди.
АҚШ делегацияси таркибида учрашувда АҚШнинг «General Electric», «Procter and Gamble», «Coca-Cola» «CNH Industrial», «John Deere», «Zeppelin» ва «Silverleafe» компаниялари раҳбарлари қатнашди. Мирзиёев учрашувда Ўзбекистон ва АҚШ ўртасидаги кўп қиррали ҳамкорлик жадал ривожланиб бораётганини алоҳида таъкидлади.
АҚШ ва Ўзбекистон корхоналари ўртасидаги амалий ҳамкорликни кенгайтириш ва қўшма кооперация лойиҳаларини илгари суриш юзасидан фикр алмашилди. Кэролин Лэмм палата аъзоларининг Ўзбекистондаги фаолияти ҳар томонлама қўллаб-қувватланаётгани учун АҚШ ишбилармонлар ҳамжамияти номидан давлат раҳбарига ташаккур билдирди.
Учрашув сўнггида янги қўшма лойиҳаларни ишлаб чиқиш учун 2023 йилнинг биринчи чорагида қўшма бизнес форумини ўтказишга келишиб олинди.
