Парижда Шавкат Мирзиёев ва Франциянинг етакчи компаниялари ва молиявий тузилмалари раҳбарларининг учрашуви бўлиб ўтди
-
Парижда Шавкат Мирзиёев ва Франциянинг етакчи компаниялари ва молиявий тузилмалари раҳбарларининг учрашуви бўлиб ўтди
Ўзбекистон президенти Францияга расмий ташрифи доирасида Париж шаҳрида ушбу мамлакатнинг етакчи компаниялари ва молиявий тузилмалари раҳбарлари билан учрашиб мулоқот қилди.
Бу учрашувда «MEDEF» Франция корхоналари ҳаракати бош директори Филипп Готье, «Airbus», «Orano», «Suez», «Alstom», «Total Eren», «EDF», «Schneider Electric», «Natixis» каби 20 тага яқин йирик компаниялар раҳбарлари иштирок этди.
Шавкат Мирзиёев тадбирда сўзлаган нутқида, , «Бу Ўзбекистон муҳим ва ишончли ҳамкоримиз – Франция билан иқтисодий ҳамкорликни кенгайтиришга интилиши қатъийлигидан яна бир бор далолат беради.Бугун Ўзбекистонда хорижий инвесторлар учун кенг имкониятлар яратилгани таъкидланди. Валюта бозори эркинлаштирилди, фойдани репатриация қилишга барча чекловлар бекор қилинди, банклар, йирик саноат ва инфратузилма объектларини хусусийлаштириш дастури бошланди, давлат-хусусий шериклик механизмлари фаол жорий қилинмоқда.Янги Ўзбекистоннинг тараққиёт стратегиясига мувофиқ тадбиркорликни янада рағбатлантириш, сармоядорларнинг ҳуқуқларини ҳимоя қилиш, мулк дахлсизлигини таъминлаш ва бошқа йўналишларда аниқ чоралар амалга оширилмоқда. Ҳар бир инвестор Ўзбекистон деганда, энг аввало, барқарорлик ва келажакка ишончни тасаввур қилишига интилаяпмиз», — деб таъкидлади.
Бундан ташқари жаҳондаги бугунги беқарорлик шароитида манфаатларни ҳисобга олиш ва ўзаро ишончга асосланган кўп қиррали ва конструктив шерикликни чуқурлаштириш тобора муҳим аҳамият касб этаётгани таъкидланди.
Шу маънода, Франция бизнесининг Ўзбекистон бозорига чиқиши учун катта истиқболлар очилмоқда. Хусусан, Ўзбекистоннинг жозибадорлиги Марказий Осиёда аҳоли сони бўйича энг йирик давлатлиги, Республика маҳсулотларининг МДҲнинг улкан бозорига божсиз етказиб берилаётгани билан ҳам изоҳланади.
