Бахтиёр Саидов Тожикистон Ташқи ишлар вазири билан телефон орқали мулоқот ўтказди
-
Бахтиёр Саидов Тожикистон Ташқи ишлар вазири билан телефон орқали мулоқот ўтказди
Ўзбекистон Республикаси Ташқи ишлар вазири в.б. Бахтиёр Саидовнинг Тожикистон Республикаси Ташқи ишлар вазири Сирожиддин Муҳриддин билан телефон орқали мулоқоти бўлиб ўтди.
Тожикистон ТИВ раҳбариСирожиддин муҳриддин Бахтиёр Саидовни юқори масъулиятли лавозимга тайинлангани билан табриклаб, касбий фаолиятида муваффақиятлар тилади.
Бахтиёр Саидов ва Сирожиддин Муҳриддин суҳбатида, Ўзбекистон-Тожикистон дўстлик ва яхши қўшничилик, стратегик шериклик ва иттифоқчилик муносабатларининг бугунги ҳолати ва уларни янада ривожлантириш истиқболлари муҳокама этилди.
Икки давла расмийлари бу икки мамлакталар Президентлари ўртасида эришилган келишувлар ижроси жараёни юзасидан фикр алмашилди.
Ўзбекистон ва Тожикистон икки томонлама сиёсий мулоқотни давом эттиришга ва халқаро институтлар доирасида бир-бирларини қўллаб-қувватлашга тайёрлиги таъкидланди.
Олий ва юқори даражадаги режалаштирилган тадбирларнинг жадвали ва турли жиҳатлари кўриб чиқилди.
Тожикистон ва Ўзбекистон ташқи ишлар вазирликлари раҳбарларининг телефон орқали мулоқоти очиқ, самимий ва дўстона руҳда ўтди, деб хабар берди Ўзбекистон Ташқи ишлар вазирлиги матбуот хизмати.
