Ўзбекистон, Туркманистон ва Эрон халқаро транспорт йўлаги ташкил этмоқчи
август 01, 2023 10:36 Asia/Tashkent
-
Ўзбекистон, Туркманистон ва Эрон халқаро транспорт йўлаги ташкил этмоқчи
Бу борада томонлар музокара олиб бормоқда ва лойиҳа муҳокама жараёнида.
31 июль куни Ўзбекистон Транспорт вазирлиги ҳамда Эрон Республикаси йўл ва шаҳарсозлик вазирлиги вакиллари ўртасида видеоконференция шаклидаги музокаралар ўтказилди.
Унда Ўзбекистон, Туркманистон ва Эрон ўртасида халқаро транспорт йўлагини ташкил этиш тўғрисидаги битим имзолашни жадаллаштириш, Эрон ҳудудида халқаро автотранспорт қатновларида миллий ташувлардан ундириладиган йиғимлар миқдорини камайтириш, экспорт ва импорт юклари учун «Бандар-Аббос» ва «Чабаҳор» портларидан фойдаланиш имкониятлари муҳокама этилган.
Шу билан бирга, Ўзбекистон-Афғонистон-Эрон халқаро транспорт йўналишини ривожлантириш масалалари ҳам кўриб чиқилган.
