Танзила Норбоева Халқаро миграция ташкилотининг минтақавий директорини қабул қилди
-
Танзила Норбоева Халқаро миграция ташкилотининг минтақавий директорини қабул қилди
Кеча Ўзбекистон Олий Мажлис Сенати Раиси Танзила Нарбаева Халқаро миграция ташкилотининг Шарқий Европа, Жануби-шарқий Европа ва Марказий Осиё мамлакатлари бўйича минтақавий директори Манфред Профатси бошчилигидаги делегация билан мулоқот қилди.
Танзила Норбоева ва Манфред Профатси бошчилигидаги делегация учрашувида, Ўзбекистон ҳамда Халқаро миграция ташкилоти ўртасида чет элда вақтинчалик меҳнат фаолиятини амалга ошираётган фуқаролар ва уларнинг оила аъзоларини қўллаб-қувватлаш, одам савдосига қарши кураш соҳасида ҳамкорликни кенгайтириш масалалари кўриб чиқилди.
Эслатиб ўтамиз, Ўзбекистон Халқаро миграция ташкилотига 2019 йилда тўлақонли аъзо сифатида қўшилиши билан ҳамкорлик муносабатлари янги босқичга кўтарилди.
Ўзбекистон ва ХМТ ўртасидаги ҳамкорликни ривожлантириш бўйича 2021–2023 йилларга мўлжалланган Амалий ҳаракатлар режаси (“Йўл харитаси”) муваффақиятли амалга оширилмоқда. Унинг доирасида миграция соҳасидаги муҳим чора-тадбирлар ҳаётга татбиқ этилди, чегараларни бошқариш, одам савдосига қарши кураш йўналишида амалий ишлар бажарилди.
Норбоева Халқаро миграия ташкиоти делегацияси учрашувида ўзаро ҳамкорликни ривожлантиришга оид қатор таклифлар ҳам муҳокама қилинди.
Жуладан миграция сиёсатини такомиллаштириш, одам савдосига қарши курашиш ва миграция соҳасида халқаро стандартларни жорий этиш, хотин-қизлар меҳнат миграциясини қўллаб-қувватлаш бўйича Республика комиссияси билан ҳамкорликда амалий чора-тадбирлар режасини ишлаб чиқиш масалалари шулар жумласидандир.
Бундан ташқари, хорижий мамлакатларда қийин аҳволга тушиб қолган Марказий Осиё давлатлари муҳожирларини қўллаб-қувватлаш бўйича минтақавий лойиҳани ишлаб чиқиш ва амалга ошириш юзасидан фикр алмашилди.
Учрашувда, Ўзбекистон ва Халқаро миграция ташкилоти ўртасида ҳамкорликдаги лойиҳаларни кенгайтиришга келишиб олинди.
