Ўзбекистон президентининг ва ЕИнинг махсус вакиллари Афғонистон муаммолари юзасидан фикр алмашдилар

Ўзбекистон президенти Шавкат Мрзиёевнинг ва ЕИнинг махсус вакиллари афғон муаммосини тартибга солиш ва халқаро саъй-ҳаракатларни мувофиқлаштириш масаласида БМТнинг етакчи ўрни муҳимлигига урғу бердилар.

Кун сайтининг хабар иқлишича, Ўзбекистон президентининг Афғонистон бўйича махсус вакили Исматулла Эргашев Европа Иттифоқининг Афғонистон бўйича махсус элчиси Томас Никлассон билан видео-конференц-алоқа шаклида ўтказилди.

Суҳбат чоғида Ўзбекистон ва Европа Иттифоқи ўртасидаги кўп томонлама ҳамкорликнинг кенг кўламли масалалари, хусусан, минтақавий хавфсизликни мустаҳкамлаш, жумладан, Афғонистондаги жорий вазият муҳокама қилинди хабар берган Ўзбекистон ТИВ матбуоб хизмати..

Афғон муаммосини тартибга солиш ва халқаро саъй-ҳаракатларни мувофиқлаштириш масаласида БМТнинг етакчи ўрни муҳимлиги таъкидланди.

Ўзбекистон ва Европа Иттифоқи вакиллари  Афғонистоннинг янги ҳукуматига нисбатан жаҳон ҳамжамиятининг яхлит ёндашувини ишлаб чиқмасдан туриб, ўткир ижтимоий-гуманитар инқирозни бартараф этиш, шунингдек, мамлакатда мустаҳкам тинчлик ва барқарорлик ўрнатилишига ҳисса қўшиб бўлмаслигини қайд этдилар.

• Исматулла Иргашев Ўзбекистон ТИВда ИҲТнинг Афғонистон бўйича вакили билан учрашув ўтказилди