Сионистик генерал: Исроил чуқур жар ёқасида турибди

Сионистик истеъфодаги генерал бугун ушбу режим жамияти «чуқур жар» ёқасида турганини, воқеликни кўришга бутунлай кўзи кўр бўлиб қолгани ва сиёсий калтабинликка мубтало эканини маълум қилди.

Pars Today хабарига кўра, сионистик истеъфодаги генерал Исҳоқ Брик «Маарив» газетасида шундай ёзди: «Исроил шундай низо майдонига айланганки, унда қабилавийлик муқаддаслаштирилади, хато хатти-ҳаракатларга қонунийлик берилади ва ҳар қандай танқид билдирилганда, турли сиёсий лагерлар танқидчини турли айбловлар нишонга олади».

Брик қўшимча қилди: «Сўнгги йилларда армия Бош штаб раҳбарларини кескин танқид қилиб, уларни армияни жар ёқасига олиб келганликда масъул деб билсам, сўл оқим мени “Бибига яқин ўнгчи” деб атайди. Аксинча, сиёсий раҳбарларни, хусусан Нетаньяхуни мавжуд вазият ва армиянинг бу аҳволга тушишидаги инкор этиб бўлмайдиган ҳиссаси учун танқид қилсам, ўнг оқим мени “сўлчи” деб атайди. “Ҳаридийлар”ни танқид қилганимда эса, улар мени “яҳудий эмас” деб аташади».

У қўшимча қилишича, гуруҳий манфаатлар ушбу режим хавфсизлиги манфаатларидан устун келиб қолган ва жамият аъзолари бир-бирига жиддий зарар етказишга тайёр. Бу эса «Исроил»нинг парокандалигини янада яқинлаштирмоқда.