Ғазо секторида фаластинлик шаҳидлар сони ортмоқда

Тўқнашувларга АҚШ президенти Дональд Трампнинг Қуддусни Исроил пойтахти деб тан олиш қарори сабаб бўлди. Турли давлатларнинг норозилигига қарамай, Оқ Уй Қуддусни расман Исроил пойтахти деб тан олинишини  эълон қилган эди. Шундан сўнг фаластинликлар норозилик намойишларига кўтарилди. 

Сионистларнинг Ғазо секторига қарата амалга оширган ҳужумларида 4 нафар фаластинлик шаҳид бўлди. Бу ҳақда меҳр ахборот агентлиги хабар берди. 

Асосан Иордан дарёсининг ғарбий қирғоғидаги шаҳарларда рўй берган тўқнашувларда кўплаб фаластинликлар жабрланган жумладан, газдан заҳарланганлар ҳам бор.

Исроил ҳарбий авиацияси Ғазо секторига қарата ҳаво ҳужумларини амалга оширган.

Фаластин Соғлиқни сақлаш вазирлигининг хабар беришича, Иордан дарёсининг Ғарбий қирғоғи, Ғазо сектори ва ал-Қудснинг турли туманларидаги норозилик намойишлари вақтида 1,1 минг киши жабрланди.

АҚШ президенти Дональд Трамп чоршанба куни ал-Қудсни Исроил режимининг пойтахти сифатида тан олиши ва Америка элчихонасини Тель-Авивдан ал-Қудсга кўчириши ҳақида маълум қилиши ортидан фаластинликлар ва Сионист ҳарбийлари ўртасида кескин тўқнашулар келиб чиқди.

8 декабрь куни кечқурун АҚШ президенти Дональд Трампнинг ал-Қудсни Исроил пойтахти сифатида тан олиш бўйича қарорига қарши оммавий норозилик намойишлари вақтида Сионистик режим ҳарбийлари билан юз берган тўқнашувлар натижасида 4 2 нафар фаластинлик ҳалок бўлгани, 760 дан ортиқ инсон жабрлангани хабар қилинган эди. 

Ал-Қудснинг статуси — фаластин-исроил можароларида энг асосий муаммолардан бири. Исроилликлар шаҳарнинг шарқий қисмини 1967 йилги уруш натижасида босиб олишган. Улар Ал-Қудсни Исроилнинг ягона ва бўлинмас пойтахти деб иддао қилиб келишади. Фаластинликлар эса шаҳарнинг шарқий қисмини ўз пойтахти қилиш истагида.