Фаластин ташқи ишлар вазири Ўзбекистонга келяпти

Тошкент шаҳрига Фаластин давлати ташқи ишлар ва экспатриантлар вазири Риёд ал-Малкий бошчилигидаги делегация ташриф билан келади

2018 йилнинг 1 август куни Тошкент шаҳрига Фаластин давлати ташқи ишлар ва экспатриантлар вазири Риёд ал-Малкий бошчилигидаги делегация ташриф билан келади.

Бу ҳақда Ташқи ишлар вазирлиги ахборот хизмати хабар берган.

Ташриф дастуридан Ташқи ишлар вазирлигида Ўзбекистон – Фаластин музокараларини ўтказиш ўрин олган. Музокаралар чоғида икки томонлама ва халқаро кун тартибининг долзарб масалаларини муҳокама қилиш режалаштирилган.