Афғонистонда АҚШ кучлари қолишади

Америка ва НАТО кучлари қўмондонлари Афғонистонда амалиётларини давом эттиришни таъкидлашди.

Тасним ахборот агентлигининг маълум қилишича, генерал Скотт Миллер АҚШнинг Афғонистондаги кучлари  хавфсизликни таъминлаш, тинчликни барқарорлаш ва урушга якун ясаш учун ушбу мамалакатда эканликларини таъкидлади.

Ушбу генералга кўра, Афғонистонда тинчликни тиклаш Кобул ҳукумати ва "Толибон" ўртасидаги сулҳ  келишувига боғлиқдир. Шу сабабдан у "Толибон" аъзоларини тинчлик жараёнларига қўшилишга чақирди.

"Толибон"  радикал гуруҳи эса Афғонистондан хорижий кучлар чиқиб кетганидан кейин Кобул ҳукумати билан музокара қилишини эълон қилган.

Бугунги кунда терроризмга қарши курашиш баҳонаси билан Афғонистонда 19 минг нафардан кўпроқ  хорижий кучлар жойлаштирилган. Уларнинг 16 минг нафарини америкалик ҳарбийлар ташкил этишади.