Саудия қирувчи самолётларининг Яман пойтахтига кенг кўламли ҳужумлари
-
Саудия қирувчи самолётларининг Яман пойтахтига кенг кўламли ҳужумлари
Саудия агрессор жангарилари Яман пойтахти Санонинг турли ҳудудларини кучли бомбардимон қилди.
Ал-Масира нашрининг хабар беришича, Саудия Арабистони босқинчи жангарилари бугун душанба куни эрталаб Яманга қарши жиноятларини давом эттириб, Сано шаҳрининг турли ҳудудларини бомбардимон қилган.
Хабарда айтилишича, айни вақтда Яман жанубидаги Таиз вилояти ҳудудлари Саудия қирувчи самолётлари томонидан нишонга олинган.
Яман манбаларининг айтишича, ҳужумлар чоғида асосан турар-жойлар саудияликлар томонидан бомбардимон қилинган.
Саудия Арабистони босқинчилик коалициясининг жангарилари кеча Яманнинг турли ҳудудларида ҳам ўнлаб ҳаво ҳужумларини амалга оширди, энг кўп ҳужумлар Сано, Ҳажжа, Маъриб ва Жавф вилоятларидаги турар-жой ҳудудларига тўғри келди.
Ҳужумлар яманликлар яқинда босқинчиларга қарши кенг кўламли операция бошлаган пайтга тўғри келмоқда. Охирги кунларда Яман армияси Саудия Арабистони ва БААнинг чуқур стратегик ҳудудларини нишонга олган (Яман бўрони 1, 2 ва 3) номли учта муваффақиятли операцияни амалга оширди.
Саудия Арабистони АҚШ, БАА ва бошқа бир қанча давлатлар кўмагида 2015-йилнинг март ойидан буён Яманга ҳарбий босқин ва қуруқлик, денгиз ва ҳаводан қамал бошлади.
