Сионистик режим қирувчилари Жанубий Ливанни бомбардимон қилди
Хабар манбалари сионист армия Ливаннинг жанубий ҳудудларини бомбардимон қилганини эълон қилди.
Охирги кунларда сионистик режимнинг Ғазо секторидаги даҳшатли жиноятлари ортидан Ливан Ҳизбуллоҳи ишғол қилинган ҳудудлар шимолидаги бу режимнинг ҳарбий позицияларини нишонга олди. Бу ҳудудларда яшовчи сионистларнинг қўрқуви ва бу аҳоли пунктларини эвакуация қилишга сабаб бўлди.
“Ал-Манар” тармоғига кўра, сионистик режим жангчилари Ан-Нақоура жанубидаги “Ал-Лабуне” ҳудудига ҳужум уюштирган, натижада Ҳизбуллоҳ қаршилик кучларининг икки нафар аъзоси шаҳид бўлган.
Сионистик режим армияси эълон қилди:Сешанба куни эрталаб у Ливан жанубидаги Ҳизбуллоҳга алоқадор нишонларни бомбардимон қилди.
Шунингдек, босиб олинган ҳудудлар шимолида, Ливан ва босиб олинган ҳудудлар чегараси яқинида жойлашган “Шатола” ва Ғарбий Жалилейда ҳам огоҳлантириш сиренаси янгради.
Бошқа томондан, Ливаннинг Ҳизбуллоҳи Ливан Исломий Қаршилик ҳаракати ва сионист Армия ўртасидаги чегарадаги тўқнашувлар чоғида ўзининг икки жангчисининг шаҳид бўлганини эълон қилди.
Аввалроқ, Сионистик режим армияси маьлум қилган эдики, Ливан томонидан босиб олинган ҳудудларнинг шимолий ҳудудлари томон 30 та ракета отилган ва у бу режим армияси артиллерияси бу ракеталар отилган жойни ўққа тутганини даъво қилган.
Ливаннинг Ҳизбуллоҳи ҳам эълон қилди:сионистик Ал-Раҳаб позицияси техник жиҳозлари тегишли қуроллар билан нишонга олинди ва йўқ қилинди.
Ўтган кунларда сионистик оммавий ахборот воситалари эълон қилди:Ливан чегараларидаги 28 та аҳоли пунктидан 27 минг сионист кўчирилди ва 23 минг сионистни Кирят аш-Шамунаҳдан эвакуация қилиш жараёни бошланди.
Бошқа хабарга кўра, Фаластиннинг Ғазо секторидаги ахборот идораси раҳбарининг маьлум қилишича, 7 октябрдан бери сионист ишғолчилар Ғазо секторидаги Фаластин халқи устига 35 минг тонна портловчи моддани ташлаган.
