Жаҳонда келажакда меҳнат бозори қандай бўлади?
Жаҳон иқтисодий форуми 2030 йилгача жаҳон иқтисодиётида 92 миллион иш ўрни йўқолишини прогноз қилмоқда.
Мутахассисларнинг фикрича, келажакдаги иш ўринларининг аксарияти муҳандислик, маълумотлар таҳлили ва табиий фанларни бирлаштирувчи кўникмаларни талаб қилади.
ParsToday телеканали TV BRICS манбасига таяниб хабар беришича, Жаҳон иқтисодий форуми 2030 йилгача жаҳон иқтисодиётида 92 миллион иш ўрни йўқолишини, айни пайтда эса 170 миллионта янги иш ўрни яратилишини прогноз қилмоқда. Форум маълумотларига кўра, 2030 йилгача асосий кўникмаларнинг 39 фоизи ўз аҳамиятини йўқотади.
Жаҳон иқтисодий форуми ҳисоботи маълумотларига кўра, 2030 йилгача иш ўринлари сони энг кўп ошиши кутилаётган бешта соҳа қуйидагилардан иборат:
Технологиялар ва рақамли трансформация — 35 миллионта;
Яшил энергетика — 28 миллионта;
Соғлиқни сақлаш — 24 миллионта;
Таълим ва ишчи кучини ривожлантириш — 18 миллионта;
Инфратузилма ва ҳаракатланиш соҳаси — 15 миллионта.
Шуни инобатга олиш керакки, умумий аҳолиси 3,9 миллиард кишини ташкил этувчи БРИКСга аъзо мамлакатлар ҳам ушбу ўзгаришлар жараёнида иштирок этмоқда. БРИКС мамлакатлари ўзларининг миллий таълим стратегияларини ҳозирги шароитга эмас, балки жаҳон меҳнат бозорининг келажакдаги ўзгаришлар динамикасига мослаштиришлари лозим.
Ушбу гуруҳ мамлакатлари турли илмий мактаблар, ресурслар ва саноат соҳасидаги салоҳиятга эга. Уларни академик тармоқлар орқали бирлаштириш нафақат мутахассислар тайёрлаш тизимини, балки билимлар, технологиялар ва инновацияларни яратиш механизмларини ҳам шакллантириш имконини беради.
