БМТ Сионистик режимнинг ишғолгарлик ҳаракатларининг тугатилишини таъкидлади

БМТнинг мухбири Майкл Линк ишғол этилган Фаластин ерларидаги вазият ҳақида Сионистик режимнинг ишғолгарлик ҳаракатларининг тугатилиши лозимлигини таъкидлади

Бирлашган миллатлар ташкилоти Исроил режимининг Фаластин ерларини ишғол этиш ҳаракатларини тўхтатишга чақирди. Эрон телерадиокомпанияси ахборот агентлигининг бугун шанба куни тарқатган хабарига кўра, БМТнинг мухбири Майкл Линк ишғол этилган Фаластин ерларидаги вазият ҳақида Сионистик режимнинг ишғолгарлик ҳаракатларининг тугатилиши лозимлигини таъкидлаб, ушбу минтақалардаги инсоний вазиятни хавотирли дея баҳолади. БМТнинг ушбу аъзоси минтақага қилган беш кунлик сафаридан сўнг, Исроилнинг Фаластинликларнинг ҳуқуқларини поймол этишдаги давомли ва мақсадли чораларини жумладан оммавий жазолаш, фаластинликларнинг мол-мулкини мусодара этиш, зўравонлик ва қурол воситаси билан ноқонуний ўлдиришлар, Фаластин фуқароларининг эркин ҳаракатланишларига тўсқинлик қилиш, Фаластин ерларида шаҳарчалар қуриш ишларининг кенгайиши ва уларни мажбурий кўчиришга қаратилган ҳаракатларини кескин қоралади. Бирлашган миллатлар ташкилотининг мухбири жаҳон ҳамжамиятидан Исроил режимининг ишғолгарлик ҳаракатларига чек қўйиши ва шаҳарчалар қуришни тўхтатиш, Фаластин миллатининг ўз тақдирини ўзи белгилаш ҳуқуқига эга бўлиши учун саъй-ҳаракат қилишларини сўради.