АҚШ президентининг мантиқсиз ҳатти-ҳаракатлари давом этмоқда

Америка қўшма штатлари президенти Доналд Трампнинг мантиқсиз ва ақлга зид бўлган ҳаракатлари айни пайтда ҳам давом этмоқда

Тарқатилаётган хабарлар шуни кўрсатмоқдаки, Америка қўшма штатлари президентининг мантиқсиз ва ақлга зид бўлган ҳатти-ҳаракатлари айни пайтда ҳам давом этмоқда. Телла Сур ахборот агентлигининг хабар қилишича, АҚШ президенти Доналд Трамп Фаластин мухторият ташкилоти раиси Маҳмуд Аббос билан учрашган чоғида Фаластинликларга қарши позицияга ўтганидан сўнг,  Маҳмуд Аббосга қарата зўравонлик сўзларини айтган.

Доналд Трамп ва Маҳмуд Аббос 2017 йилнинг 30 май куни биринчи бор Оқ уйда бир бирлари билан учрашди ва ушбу учрашув давомида АҚШ президенти муроса келишувига эришиш йўлида саъй-ҳаракат қилаётгани ҳақида хабар берган. Америка президентига яқин бўлган манбалар ҳам шундай айтишмоқдаки, Трамп ўзининг биринчи хорижий сафаридан қайтганидан кейин бироз чарчаган. Ушбу хабарга биноан, Доналд Трамп ўзининг дастлабки хорижий сафари узоқ давом этгани учун шикоят қилган ва қайтганидан сўнг қаттиқ толиққани учун ғамгин ва зиқна бўлган.