Гаваи штати АҚШ президентининг иммиграция бўйича фармонига эътироз билдирди

АҚШда 29 июнь, пайшанба куни президент Дональд Трампнинг иммиграция бўйича фармони кучга кирди

Американинг Гаваи штати АҚШ президенти Доналд Трампнинг виза беришни тақиқлаш ҳақидаги фармонига эътироз билдирди. Америка конгрессининг хабар қилишича, АҚШнинг Гаваи штати пайшанба куни Америка Судининг олти мусулмон мамлакат фуқароларининг Америкага сафар қилишларини чеклаш тўғрисидаги ҳукмига эътироз билдирди ва Федерал суддан ушбу мавзуни кенгроқ ва шаффоф кўриб чиқишларини сўрашди.  

АҚШда 29 июнь, пайшанба куни президент Дональд Трампнинг иммиграция бўйича фармони кучга кирди.

6 мамлакат — Эрон, Ливия, Сурия, Сомали, Судан ва Яман фуқаролари учун АҚШга киришга 90 кунлик тақиқ амал қила бошлади. Бироқ улар АҚШда яқин қариндошлари, бизнеси, визаси ёки фуқаролиги бўлган, шунингдек, мамлакатда ўқиган ёки ўқиётганларга тегишли эмас.

Шунингдек, қочқинларни қабул қилишга 120 кунлик тақиқ ҳам кучга кирди.

АҚШ Олий суди иммиграция бўйича фармонининг иккинчи, бирмунча «юмшоқроқ» кўринишига рухсат бергани билдирилмоқда. Биринчиси каби ушбу ҳужжат ҳам президент фармойишини ноқонуний деб топган бир неча суд томонидан тўхтатиб қўйилган эди.