Туркиядаги ҳарбий тўнтарув ҳаракатлари натижасида 161 киши ҳалок бўлди
Туркиядаги ҳарбий тўнтарув ҳаракатлари натижасида 161 киши ҳалок бўлди
Туркия қуролли кучларининг олий ва ўрта бўғинининг 2,8 мингдан ортиқ вакили мамлакатда ҳарбий тўнтаришга уринишдан сўнг қўлга олинди. Бу ҳақда Туркия бош вазири Биноли Йилдирим Анқарадаги матбуот анжуманида маълум қилди. Сўнгги маълумотларга кўра, Туркиядаги ҳарбий тўнтарув ҳаракатлари натижасида 161 киши ҳалок бўлган, 1440 нафар киши турли жароҳатлар олган. Ўтказилган операциялар самарасида 2839 ҳарбий қўлга олинган.
Олдинроқ Туркия бош вазири Биноли Йилдирим беш генерал, 28 полковник ўз лавозимидан маҳрум этилгани, ҳарбий тўнтаришга уринишда иштирок этган яна бир генерал эса ўлдирилганини маълум қилганди. Йилдирим исённинг мамлакатдаги барча қатнашчилари прокуратура қўлида эканлиги ва жазодан қочиб қутулмаслигини айтиб ўтган. Эслатиб ўтамиз, олдинроқ 16 июлга ўтар кечаси бошланган ҳарбий тўнтаришга уриниш натижасида қурбон бўлганлар сони 200 кишига яқинлашгани хабар қилинганди.