Нью-Йоркдаги теракт учун масъулиятни ИШИД ўз зиммасига олди

Бу баёнотга асосан Ӯзбекистон фуқароси Соипов террорчилик ҳужумини амалга оширганлик айби билан ӯлим жазосига лойиқ деб топилиши ҳам мумкин.

BBC телеканалининг хабарига кӯра  Нью-Йорк бош прокурорининг ӯринбосарининг айтишича Нью-Йоркнинг  Манҳэттен маҳаласида террорчилик ҳужумини амалга оширган Сайфулло Ҳабибуллоевич Соипов ИШИД гуруҳи тарқатган видеотасвирлар таъсирида бӯлганлигини эътироф этган.

Нью-Йорк бош прокурорининг ӯринбосари шунингдек Соипов бу ҳужумга икки ойдан бери тайёргарлик кӯриб юрганини баён қилди.

Бу баёнотга асосан Ӯзбекистон фуқароси Соипов террорчилик ҳужумини амалга оширганлик айби билан ӯлим жазосига лойиқ деб топилиши ҳам мумкин.

ИШИД террорчилик гуруҳи Нью-Йоркда саккиз кишининг ҳаётига зомин бўлган теракт учун масъулиятни ўз зиммасига олди, дея хабар бермоқда Reuters агентлиги.

ИШИД аъзоларининг маълум қилишича, «ҳужум қилган шахс ҳалифалик аскарларидан бири саналади», деб ёзади  агентлик.

Эслатиб ӯтамиз, сешанба куни Нью-Йоркда юк машинаси Манҳэттеннинг жануби-ғарбий қисмидаги велосипед йўлагига бостириб борди. Ҳайдовчи, Ўзбекистон фуқароси Сайфулло Соипов бир нечта кўчалардан ҳаракатланиб, ўз йўлида пайдо бўлган велосипедчиларни уриб кетди, сўнг мактаб автобусига келиб урилди.

Соипов ўз машинасида ҳужумни ИШИД номидан содир этаётгани ҳақида ёзув қолдирди. У полиция ходимлари томонидан яраланди ҳамда шифохонага олиб кетилди.