Дональд Трамп шимолий Кореяга қарши санкцияларни янада кучайтиришни таъкидлади

АҚШ президенти ва Япония бош вазири Шимолий Кореяга нисбатан янада кенгроқ санкцияларни жорий этишни таъкидлашди  

Америка қўшма штатлари президенти ва Япония бош вазири Шимолий Кореяга нисбатан янада кенгроқ санкцияларни жорий этишни таъкидлашди.  

Эрон телерадио компанияси ахборот агентлигининг хабар қилишича, Япония бош вазири Синдзо Абэ АҚШ президенти Дональд Трампнинг Шимолий Корея муаммосини ҳарбий йўл билан ҳал қилиш имконияти бўйича позициясини қўллаб-қувватлади. Унинг қўшма матбуот анжуманида маълум қилишича, Пхеньянга таъсир кўрсатишнинг барча вариантлари «стол устида турибди». 

Трампнинг матбуот анжуманида маълум қилишича, АҚШ Шимолий Кореянинг ҳаракатларига бошқа сабр қилиб турмайди. Трамп музокаралар давомида Япония ҳукуматига Америка қурол-яроғи харидини кенгайтиришни тавсия қилди. Қайд этилишича, бу Шимолий Кореядан учаётган ракеталарни уриб тушириш учун имконият беради.

Шунингдек, икки давлат етакчиси Шимолий Кореяга унинг ядро қуроли бўйича ҳаракатларни тўхтатиши учун максимал босим ўтказишга келишиб олди. Синдзо Абэ эса Шимолий Кореяга қарши янги санкциялар ҳақида маълум қилди: Унга кўра 35 нафар жисмоний шахс ва ташкилотнинг ҳисоб рақамлари музлатилади.