Трамп руҳий саломатлиги бўйича кўрикдан ўтишга мажбур

АҚШ президенти Доналд Трамп жума куни Вашингтон Дей Сидаги Волтер Рид ҳарбий шифохона марказида кўрикдан ўтади

АҚШ президенти мамлакат омма афкорининг ва ахборот воситаларининг босимидан сўнг, узининг руҳий ҳолатини ва саломатлигини текширтиришга мажбур бўлди. 

Дейли телеграф рўзномасининг хабар қилишича, АҚШ президенти Доналд Трамп жума куни Вашингтон Дей Сидаги Волтер Рид ҳарбий шифохона марказида кўрикдан ўтади. 

Волтир Рид Америкадаги энг катта ҳарбий касалхона ҳисобланади. Доналд Трампнинг руҳий саломатлиги бўйича текширувлар натижаси оммага эълон қилиниши кўзда тутилган. 

Телеграфнинг ёзишича, ушбу текширув натижаси Трампнинг руҳий ҳолати бўйича тарқалган миш-мишларни бостириш учун бир имконият бўлишига умидвор бўлмоқ. 

АҚШ президенти Доналд Трампнинг руҳий муаммолари ҳақидаги масала Майкл Вульфнинг «Олов ва ғазаб: Трампнинг Оқ уйида» номли китоби нашр этилиб тарқалганидан кейин кенг миқёсда муҳокамага сабаб бўлди.