Трамп Хитойга қарши савдо урушини бошлади

АҚШ президенти Дональд Трамп пайшанба куни «Хитойнинг иқтисодий ҳаракатларига қарши курашиш тўғрисида»ги меморандумни имзолади. Бу ҳақда Ирна агентлиги хабар берди. 

Бизда савдо танқислиги юзага келган, — деган Трамп ҳужжатни имзолаш маросимида. Унинг сўзларига кўра, танқислик миқдори 540 миллиард долларни ташкил этмоқда. «Айримлар аслида бу миқдор 373 миллиард доллар эканлигини айтишмоқда. Бунга қандай қараш лозимлиги хусусида вариантлар жуда кўп. Бунга қай тариқа қаралмасин, бу жаҳондаги ҳар қандай давлат учун улкан танқислик ҳисобланади», — дея қайд этиб ўтган АҚШ президенти.

У шунингдек, интеллектуал мулк соҳасида вазият оғирлигини таъкидлаб, юзлаб миллиард доллар билан ўлчанадиган «ўғриликлар» содир этилганини тилга олган. Шу сабабли, Трампнинг сўзларига кўра, АҚШ 1974 йилги савдо ҳақидаги қонуннинг наҳалол савдо сиёсати ва битимлар шартини бузган давлатларга нисбатан санкция жорий этишни назарда тутувчи 301-бўлимидан фойдаланишни жоиз, деб топган.

У хитойликларнинг йўқотишларинини 60 миллиард долларга яқин бўлиши мумкин, лекин бу биз айтаётган нарсанинг бир қисмига тенг, холос», — деган Трамп. Унинг сўзларига кўра, Вашингтон икки томонлама муносабатларда мувофиқлашувни кутмоқда.

Бундан ташқари, президент АҚШнинг савдо ваколатхонасидан 15 кунлик муддат ичида божлари ошириладиган Хитой маҳсулотлари рўйхатини шакллантиришни сўраган, шунингдек, Жаҳон савдо ташкилотига лицензиялаш соҳасида Хитойга нисбатан назарда тутилган қоидабузарликлар бўйича даъво аризаси киритишни тайинлаган.