Хельсинкида Трамп ва Путин учрашуви бошланди

Хельсинкида АҚШ ва Россия президентлари учрашуви бошланди. Дональд Трамп ва Владимир Путиннинг учрашуви Финляндия пойтахтидаги президентлик саройида бўлиб ўтмоқда.

Бу АҚШ ва Россиянинг амалдаги президентларининг илк тўлиқ форматдаги учрашувидир.

Учрашув аввалида АҚШ президенти Путинни 2018 йилги жаҳон чемпионатини муваффақиятли тарзда ўтказгани муносабати билан қутлаган.

Икки мамлакат раҳбарлари савдодан тортиб ядровий мавзуларгача бўлган масалаларни муҳокама қилишни режалаштирган. АҚШ президенти Хельсинкидаги учрашув икки томон ўртасида муносабатлар яхшиланишига имкон беришига умид қилмоқда.