Медведев АҚШнинг янги санкцияларини иқтисодий уруш эълон қилиш билан таққослади
-
Медведев АҚШнинг янги санкцияларини иқтисодий уруш эълон қилиш билан таққослади
Банклар фаолиятини ёки муайян валютадан фойдаланишни чеклаш каби нарса юз берса, буни бевосита иқтисодий уруш эълон қилиниши, деб айтса бўлади. Ва бу урушга иқтисодий усуллар, сиёсий усуллар ва керак бўлганда бошқа усуллар билан реакция билдириш зарур
АҚШ томонидан Россияга қарши санкцияларнинг янада кенгайтирилишини иқтисодий уруш эълон қилиш деб баҳолаш мумкин бўлади.
Бу ҳақда РФ бош вазири Дмитрий Медведев маълум қилди, дея хабар беради Спутник агентлиги.
«Агар банклар фаолиятини ёки у ёки бу валютани қўллашни тақиқлаш каби яна бирор чора кўрилса, буни тўғридан-тўғри иқтисодий уруш эълон қилиш деб аташ мумкин бўлади», — деди у Камчатка ўлкасида Кроноцкий давлат қўриқхонаси ходимлари билан учрашувда.
Медведев таъкидлашича, Вашингтоннинг чораларига иқтисодий, сиёсий усуллар билан, «зарур бўлганда эса бошқача усуллар билан» жавоб қилиш керак, буни АҚШ «тушуниши керак».
«Бу нима учун қилинмоқда? Россияни халқаро майдондаги кучли рақобатчилар сафидан чиқариш учун», — дея аниқлик киритди бош вазир.
8 август куни АҚШ давлат департаменти Россияга нисбатан янги санкциялар жорий қилишини эълон қилган. Санкцияларнинг биринчи пакети 22 август куни кучга кириши кутилмоқда.
