Эрдўғон Риёздан арабистонлик журналист вазиятига ойдинлик киритишни талаб қилди

Туркия президенти Ражаб Тоййиб Эрдўғон арабистонлик танқидчи журналистнинг вазияти ҳақида Арабистонлик расмийлар томонидан аниқ маълумот тақдим этилишини сўради. 

Эрон телерадиокомпанияси ахборот агентлиги тарқатган хабарга кўра, Венгрияга сафар қилган Ражаб Тоййиб Эрдўғон душанба куни Венгрия бош вазири Виктор Орбан билан ўтказган қўшма ахборот анжуманида шундай айтдики, Жамол Хашқажи Арабистоннинг Истанбулдаги консуллик идорасидан чиқиб кетган бўлса, унда ушбу ҳолатни Ол Сауд тасдиқлаши керак.   

Туркиянинг мутасадди идоралари саудиялик журналист Жамол Хошхожининг йўқолиши билан боғлиқ ҳолда Саудия Арабистонининг Истанбулдаги бош консуллиги биносида тинтув ўтказмоқчи. Анқара шу муносабат билан Саудия Арабистони элчисини чақиртириб, унга тинтув қилишга расмий талабни топширган. 

Туркия консуллик биносида журналист бўлиши мумкинлигини тахмин қилмоқда. Консулликда эса бу маълумот инкор этилмоқда.

Журналист 2 октябрь куни ғойиб бўлган. Журналистнинг йўқолгани 3 октябрда маълум бўлган. У Саудия Арабистони бош консуллигига ҳужжатларни расмийлаштиргани келганидан кейин йўқолиб қолган. Саудия Арабистони матбуот агентлиги маълумотларига кўра, журналист консуллик биносидан чиқиб кетгандан кейин йўқолган.

Беш соатдан кейин қизга Хашкажий аллақачон бинодан чиқиб кетганини айтишган.

Саудия Арабистони валиаҳд шаҳзодаси Муҳаммад бин Салмон Туркия мутасадди идоралари Истанбулдаги бош консуллик биносини тинтув қилишлари мумкинлигини айтган.

Журналист консулликка Туркияда яшовчи қаллиғи билан никоҳ қуриш учун зарур бўлган ҳужжатларни расмийлаштириш учун келган.

Туркия президенти маслаҳатчиси Ясин Актайнинг фикрича, журналист бош консулликда ўлдирилган бўлиши мумкин. Журналист консуллик биносига киргач, у ердан дипломатик рақамларга эга 6 та машина, жумладан 2 та фургон чиқиб кетган. Туркияда бу машиналарда журналист жасади олиб чиқиб кетилган бўлиши мумкинлиги айтилмоқда.