Вашингтонг Пост: Туркия расмийларида арабистонлик журналистнинг ўлдирилганини исботловчи видеоёзув бор

Туркия ҳукумати АҚШга, гўёки, Саудия Арабистонининг журналист Жамал Хашқажийнинг ўлдирилишига алоқадорлигини тасдиқловчи видеоёзувларни кўрсатган. Бу ҳақда мухбир билан ҳамкорлик қилган Washington Post нашри хабар берди. 

Бунда гап Саудия Арабистонининг Туркиядаги элчихонасида олинган аудио ва видеоёзувлар ҳақида бормоқда. Уларда журналистни элчихона биносида сўроқ қилишгани, қийнашгани ва охир-оқибат ўлдиришганини эшитиш мумкин.

“Арабчада гаплашаётган Хошхожий ва бир эркак овозини эшитиш мумкин. У сўроқ қилингани, қийналгани ва ўлдирилганини эшитиш мумкин. Бу ёзув Жамол консулликка киргандан кейин у билан нима содир бўлганига ойдинлик киритади”, деб айтган нашр манбаси. Манбанинг таъкидлашича, ушбу ёзувлар Саудия Арабистонининг журналист ўлдирилишига алоқадорлиги ва журналистнинг бошқа ҳаёт эмаслигини исботлайди.

Журналист расмий Ар-Риёд сиёсатини танқид қилувчи мақолалар ёзган. 2 октябрда у Саудия Арабистонининг Истанбулдаги консуллигига ҳужжатларни расмийлаштиргани борган ва ўшандан бери алоқага чиқмаяпти. Журналист консулликда ўлдирилгани гумон қилинмоқда.

Журналист 2 октябрь куни ғойиб бўлган. У консулхонага ҳужжатларни расмийлаштириш учун кирган, бироқ қаллиғини киритишмаган. Беш соатдан кейин қизга Хашкажий аллақачон бинодан чиқиб кетганини айтишган.