Москвада Янги йилни нишонлаш вақтида кўприк одамлар билан бирга қулаб тушди (видео)
Москвада Янги йилни нишонлаш вақтида кўприк одамлар билан бирга қулаб тушди
Москвадаги Горький номидаги боғда Янги йилни нишонлаш вақтида кўприк унинг устидаги одамлар билан бирга қулаб тушди.
“Одамлар Янги йилни кутишаётган бўлган, у ерда 3 метр баландликдан ўтувчи рамзий кўприк бўлган. Кўприк 60 кишини сиғдира олган, бироқ воқеа вақтида унда кўпроқ одам бўлган. Курант Янги йил кириб келганда бонг уришни бошлаганда ҳамма мадҳияни куйлай бошлаган. Кўприк охир-оқибат дош беролмай қулаб тушган. Қурбонлар йўқ, бироқ жароҳатланганлар бор. Тез ёрдам машиналари келган, кўнгилочар дастур тўхтатилган”, деб айтган “Business FM” радиостанцияси ходимаси.
Кўприк коньки учиш учун яхмалак устидан ўтган бўлган. Кўприк қулаган вақтда унинг остида ҳам одамлар бўлган. Таъкидланишича, баъзи жароҳатланганларнинг аҳволи оғир.
Боғ маъмуриятининг таъкидлашича, кўприкнинг қулашига унинг секцияларидан бирининг яхлитлиги бузилгани сабаб бўлган.
