Дональд Трамп Роберт Мюллер ҳисобитига қарши муносабат билдирди
АҚШ президенти 2016 йилги президентлик сайловларида Россиянинг иддаоли аралашувининг махсус терговчи инспектори Роберт Мюллернинг олиб борган тергов ҳисоботига муносабат билдириб, бу ҳисобот билан тўлиқ оқланди-деб эълон қилди.
Форс ахборот агентлиги тарқатган хабарга кўра, АҚШ президенти Дональд Трамп ўзининг бир изҳоротида Россия давлати билан унинг сайлов кампаниясининг алоқадор эканлиги тўғрисидаги тергов ишлари ноқонуний эканлигини баён этиш зимнида, бу терговнинг якуний ҳисоботида барча айбловлардан оқландим,-деб эълон қилди.
Трамп Россия давлати билан ўзининг сайловолди кампаниясининг алоқадор эканлиги ҳақидаги тергов ишини "ноқонуний бузғинчилик" деб билиб, бизнинг мамлакатимиз бундай даврни бошидан ўтказаётгани шармандаликдир,- деб айтди.
Бугун Америка бош прокурори Вильям Барр Роберт Мюллернинг 4 саҳифадан иборат ҳисоботини АҚШ конгрессига тақдим этди.
Тўлиқ матни нашр этилмаган мазкур ҳисоботда шундай келтирилади: "Бу ҳисобот мамлакат президенти жиноят содир этилган деб хулоса чиқармайди. Аммо бу айбловни бекор ҳам қилмайди."
Америка конгрессидаги демократлар партиясининг раҳбарлари бу ҳақда нашр этган муштарак баёнияда инспектор Роберт Мюллернинг бу ҳисоботи АҚШ президентини "адолатни таъминлашга тўсиқлик яратиш" каби жиддий айбловдан оқламайди ва бу ҳисоботнинг тўлиқ матнини зудлик билан нашр этиш заруратини талаб этади,-деб ёзишди.
