Зеленский Украина парламентини тарқатиб юбориш қарорига келди
Украинанинг янги сайланган президенти инаугурацияси вақтида мамлакат парламентини тарқатиб юбориш қарорига келганини маълум қилди.
Франция ахборот агентлигинтнг хабар қилишича, бугун Украинанинг янги президенти Владимир Зеленский инагурацияси вақтида аксарият намояндалари унга қарши бўлган парламентни тарқатиб юбриш ҳақида хабар қилди.
Украинанинг янги президенти шунингдек муддатдан олдин парламент сайловларини ўтказишни таъкидлади.
Украинада парламент сайловлари жорий йилнинг октябрь ойларида ўтказилиши айтилади.
Апрель ойида Украинада президентлик сайловларни ўтказилгани ва унда Владимр Зеленскийни ғалаба қозонани билан Россия ва Украина ўртасидаги алоқаларда янги истиқболлар назарга ташланмоқда.
Яқинда Зеленский " Нормандия гуруҳи" яъне Россия, Украина, Франция ва Германия гуруҳи доирасида Москва билан музокараларни бошлашга тайёр эканлигини маълум қилганди.
Зеленский шунингдек, Донбассдаги зиддиятни барқарорлаштириш ва ўт очишни тўхтатиш бўйича мулоқотларга тайёрлигини маълум қилган, Россияга асир тушган украиналикларни қайтариш асосий мақсади эканини қўшимча қилган.
