Гуттериш: Халқаро ҳамжамият коронавирусга қарши курашда Эрон билан ҳамкорлик қилиши керак
БМТ Бош котиби Антонио Гуттериш бу халқаро нуфузли ташкилот Инсон ҳуқуқлари бӯйича Олий комиссари Мишел Бачелетнинг коронавирус билан курашаётган мамлакатларга нисбатан жорий қилинган санкцияларни бекор қилиш ҳақидаги баёнотини тӯлиқ қӯллаб-қувватлаб, барча мамлакатлардан бу вирусга қарши курашда ҳамкорлик қилишларини сӯради.
ИРНА ахборот агентлиги тарқатган хабарга кӯра БМТ Бош котибининг наттоғи Стефан Дуджоррик Бирлашган Миллатлар Ташкилотининг Инсон ҳуқуқлари бӯйича Олий комиссарининг Америка Эрон ва Венесуэллага нисбатан жорий қилган санкцияларини олиб ташлаши кераклиги ҳақидаги изҳоротини тасдиқлаб, деди: Гуттериш бу ташкилотга аъзо мамалакатлардан бу вирусга қарши курашда Эронга керак бӯлган барча маблағларни муҳайё қилишларини сӯради.
Стефан Дуджоррик Гуттеришнинг Эрон Ислом Жумҳурияти Ташқи ишлар вазири Муҳаммаджавод Зариф билан телефон орқали мулоқот қилганини таъкидлаб, илова қилди: БМТнинг Бош котиби дори-дармон ва тиббий жиҳозларни бошқа мамлакатларга кӯра Эронга жӯнатишнинг ӯта мушкуллигидан яхши хабардор.
БМТ Инсон ҳуқуқлари бӯйича Олий комиссари Мишел Бачелет сешанба куни коронавирусга қарши кураш доирасидаги баёнотида Америкадан Эронга нисбатан санкцияларини бекор қилишини талаб қилди.