Помпео Эрон билан иқтисодий ҳамкорлик қилувчиларга яна таҳдид қилди
АҚШ ТИВ раҳбари Вашингтон режимининг Эрон ислом жумҳуриятига босим ўтказиш бўйича мувафаққиятсиз ҳаракатларидан кейин, яна бир бор дунёда Эрон билан савдо қилиш тўғирсида огоҳлантирди.
Форс ахборот агентлигининг хабар қилишича, кеча АҚШ давлат котиби Майк Помпео Эрон билан алоқалар баҳонасида, АҚШнинг 2 нафар хитойлик ва 6 та Хитой компаниясига қарши янги санкциялар қўллаганига тўхталиб, Эрон ислом республикасининг кемачилик компанияси билан савдо қиладиган ҳар қандай мамлакат, шахс ва ё компания санкцияларга дуч келишини қўшимча қилди.
АҚШ Молия вазирлиги кеча Эроннинг кемачилик компанияси билан ҳамкорликда эканлигини баҳона қилиб икки шахс ва олтита хитойлик компанияга қарши санкция жорий этди.
Шу йилнинг 8 июнда АҚШ режими Эроннинг кемачилик компаниясига қарши санкцияларни амалга оширишини маълум қилганди.
АҚШ давлати 2018 йил 8 май куни бирёқлама равишда Халқаро ядровий келишувни тарк этганидан кейин Эронга босим ўтказиш учун кенг -қамровли ҳаракатларни бошлади.
Трамп ҳукуматининг бундай ҳатти ҳаракатлари эса ички ва халқаро миқёсда қораланди. Дунёнинг аксарият мамлакатлари, жумладан Хитой, Россия давлатлари АҚШ режимининг бирёқлама санкцияларига риоя қилмасликларини эълон этдилар.
