Блинкен: Хитой АҚШ бошчилигидаги дунё тартибини бузмоқчи
АҚШ давлат котиби Хитой Вашингтон ва унинг иттифоқчилари ўртасида Иккинчи Жаҳон Урушидан кейин вужудга келган қонунларни заифлаштирмоқчи ва бузмоқчи дея иддао қилмоқда.
Энтони Блинкен Хитойни АҚШ бошчилигидаги дунё тартибига путур етказиш ва бузишга уринишда ва Иккинчи Жаҳон Урушидан кейин яратилган қонунларга бўйсунмасликда айблаб, деди: Хитой билан Американинг муносабатлари кӯплаб иттифоқчиларимиз каби баъзида рақобатлилик, баъзи мавридларда ҳамкорлик ва баъзи масалаларда ҳали ҳам душманлик муносабатларидир.
Ӯтган ҳафта НАТО ва Европа Иттифоқи раҳбарлари билан мулоқот қилиш учун сафарга чиққан АҚШ Ташқи ишлар вазири сӯз берди: "Вашингтон ўз иттифоқчиларини Америка Қўшма Штатлари ва Пекиндан бирини танлашга мажбурламайди, лекин сўнгги 75 йил давомида ҳукмронлик қилган ва ҳаммамиз унга сармоя киритган қонун устуворлиги асосидаги халқаро тизим бизнинг манфаатларимиз ва қадриятларимизга ҳисса қўшиши учун сақланиб қолиниши керак".
"Қўшма Штатлар ўзининг иттифоқчилари билан қандай қилиб умумий иқтисодий манфаатларимизни илгари суриш ва Хитойнинг баъзи тажовузкор ҳамда мажбурлов ҳаракатларига қарши туриш масаласида ҳамкорлик қилишни истайди", деди Блинкен.
Қўшма Штатлар Хитойнинг Москва билан стратегик ҳамкорлигини кучайтириш, Эрон билан 25 йиллик ҳамкорлик шартномасини имзолаш ва Европа Иттифоқи билан кенг қамровли инвестиция савдо шартномасини тузишидан ташвишда.
