Россия Путинга қарши санкциялар ҳақида огоҳлантирмоқда

Кремл вакилининг айтишича, АҚШ президентининг Россия раҳбариятига санкциялар жорий қилиш таҳдиди АҚШ сиёсий элитасининг Россиядаги вазиятдан бехабарлигини акс эттиради.

Дмитрий Песков чоршанба куни Россия телеканалининг 24-каналига берган интервюсида АҚШ президенти Жо Байденнинг Россия етакчиларининг активларини тортиб олиш таҳдиди россиялик сиёсатчилар учун хавотирли масала эмас, балки сиёсий жиҳатдан бузғунчи ҳаракат эканлигини айтди.

АҚШ президенти агар Россия Украинага ҳужум қилишга буйруқ берса, Россия президенти Владимир Путинга қарши санкцияларни кўриб чиқишини айтди.

Песковнинг айтишича, Россиянинг юқори мартабали амалдорларига тегишли активлар, банк ҳисоблари ва мулклари мусодара қилингани ҳақида гапираётган АҚШ қонунчилари ва сенаторларида аниқ эксперт маълумотлари йўқ.

Россия расмийсининг қўшимча қилишича, Россия қонунчилигига кўра, юқори мартабали россиялик амалдорларга Россиядан ташқарида банк ҳисоблари ва активларига эга бўлиш узоқ вақтдан бери тақиқланган. Шу сабабли, бундай масалани кўтариш Россиянинг юқори мартабали амалдорлари учун хавотир ва ноқулайлик туғдирмайди.

Россия президенти матбуот котибининг айтишича, Путин ҳамон маошини Россиядаги Ғарб санкцияларига дучор бўлган банкдан олмоқда.